ସୁନ୍ଦରଗଡ: ଓଡିଶା ଷ୍ଟାଫ ସିଲେକସନ କମିଶନ ଅଧ୍ୟକ୍ଷଙ୍କ ବ୍ୟକ୍ତିଗତ ସହାୟକଙ୍କ ଦ୍ୱାରା ହୋଇଥିବା ମହାଦୁର୍ନୀତିକୁ ନେଇ ଗର୍ଜିଲା ଏନଏସୟୁଆଇ ( NSUI ) । ଷ୍ଟାଫ ସିଲେକସନରେ ମହାଦୁର୍ନୀତିକୁ ନେଇ ଗତକାଲି ଏନଏସୟୁଆଇ ( NSUI ) ପକ୍ଷରୁ ପ୍ରତିବାଦ କରି ସିବିଆଇ ତଦନ୍ତ ପାଇଁ ଦାବି କରିଛି ।
OSSC ବ୍ୟକ୍ତିଗତ ସହାୟକଙ୍କ ଦୁର୍ନୀତିରେ ସିବିଆଇ ତଦନ୍ତ ଦାବି କଲା NSUI ଛାତ୍ର କଂଗ୍ରେସ
ସଭାପତି ମହମ୍ମଦ ଫୈଜାଲଙ୍କ ନେତୃତ୍ୱରେ ହୋଇଥିବା ମହାଦୁର୍ନୀତି ବିରୋଧରେ ସିବିଆଇ ତଦନ୍ତ ଦାବି କରି ବିକ୍ଷୋଭ ପ୍ରଦର୍ଶନ କରାଯାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଓ ଓଏସଏସସି ଅଧ୍ୟକ୍ଷଙ୍କ କୁଶ ପୁତ୍ତଳିକା ଦାହ କରାଯାଇଥିଲା । ଏଥିସହ ରାଜ୍ୟପାଳଙ୍କ ଉଦ୍ଦେଶ୍ୟରେ ଜିଲ୍ଲାପାଳଙ୍କ ପ୍ରତିନିଧି ତଥା ସୁନ୍ଦରଗଡ ଉପଜିଲ୍ଲାପାଳଙ୍କୁ ଏକ ସ୍ମାରକ ପତ୍ର ପ୍ରଦାନ କରିଥିଲା ଛାତ୍ର କଂଗ୍ରେସ।