କଲେଜ ଛାତ୍ରୀଙ୍କୁ ଅସଦାଚରଣ ଅଭିଯୋଗ: ଯୁବକ ଥାନାରେ ଅଟକ

କଲେଜ ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ବୀରମିତ୍ରପୁର ଥାନା ଘେରାଓ । ଅଭିଯୁକ୍ତ ଯୁବକ ଥାନାରେ ଅଟକ ।

ସୁନ୍ଦରଗଡ: କଲେଜ ଛାତ୍ରୀଙ୍କୁ ଅସଦାଚରଣ ଅଭିଯୋଗରେ ବୀରମିତ୍ରପୁର ଥାନା ଘେରାଓ । ଅଭିଯୁକ୍ତ ଯୁବକ ଥାନାରେ ଅଟକ ।

ବୀରମିତ୍ରପୁର ପୌରାଞ୍ଚଳରେ ଘଟିଛି ଏହି ଅଭାବନୀୟ ଘଟଣା l ସ୍ଥାନୀୟ ଅଞ୍ଚଳର ଜନୈକ ନାବାଳିକା କଲେଜକୁ ପଢିବାକୁ ଯାଉଥିବା ବେଳେ ପୌରାଞ୍ଚଳର ଜଣେ ଯୁବକ ଉକ୍ତ ନାବାଳିକାଙ୍କୁ ଅସଦାଚରଣ ପ୍ରଦର୍ଶନ କରିଥିଲେ । ଏହାକୁ ନେଇ ସ୍ଥାନୀୟ ଲୋକେ ବୀରମିତ୍ରପୁର ଥାନା ଘେରାଓ କରିବାସହ ଅଭିଯୁକ୍ତ ଯୁବକଙ୍କ ଉପରେ କଠୋର କାର୍ଯ୍ୟାନୁଷ୍ଠାନ ଦାବି କରିଛନ୍ତି । ଘଟଣାକୁ କେନ୍ଦ୍ର କରି ଉକ୍ତ ଅଞ୍ଚଳରେ ଚାପା ଉତ୍ତେଜନା ଦେଖାଦେଇଛି ।

ଆଇନ ଶୃଙ୍ଖଳା ପରିସ୍ଥିତିକୁ ଅନୁଧ୍ୟାନ କରି ବୀରମିତ୍ରପୁର ଥାନା ପରିସରରେ ବ୍ୟାପକ ପୋଲିସ ମୁତୟନ କରାଯାଇଛି । ତେବେ ପୋଲିସ ସଂପୃକ୍ତ ଯୁବକଙ୍କୁ ଥାନାକୁ ଆଣି ଅଟକ ରଖିଛି ।

ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ