ସୁନ୍ଦରଗଡ: ଜିଲ୍ଲାର ଦମାଲୁ ଗ୍ରାମରେ ଅଜଣା ରୋଗ ଆତଙ୍କ । ଅନୁଧ୍ୟାନ ପାଇଁ ଜିଲ୍ଲା ମୁଖ୍ୟ ଚିକିତ୍ସାଳୟରେ ପହଞ୍ଚିଲା ମେଡିକାଲ ଟିମ୍ । ଗତ ୨୧ତାରିଖ ଦିନ ଜିଲ୍ଲାର ଦମାଲୁ ଗ୍ରାମରେ ଦୁଇ ଦୁଇ ଜଣ ନିଷ୍ପାପ ଶିଶୁଙ୍କର ଅଜଣା ରୋଗରେ ଜୀବନ ଯାଇଥିଲା । ଏଥି ସହ ମୃତ ଶିଶୁଙ୍କର ମା’ ଓ ଦେଢ ବର୍ଷ ବୟସର ସାନ ଭାଇ ଗୁରୁତର ଅବସ୍ଥାରେ ଲହୁଣୀପଡା ଚିକିତ୍ସାଳୟରେ ଭର୍ତ୍ତି ହେବା ସାରା ଅଞ୍ଚଳକୁ ସ୍ତବ୍ଧ କରିଥିଲା । ଏନେଇ ଖବର ପ୍ରସାରଣ ପରେ ଗତକାଲି ସୁନ୍ଦରଗଡ ମୁଖ୍ୟ ଜିଲ୍ଲା ଚିକିତ୍ସାଧୀକାରୀ ଡାକ୍ତର ସରୋଜ କୁମାର ମିଶ୍ର , ଲହୁଣୀପଡା ମେଡିକାଲ ଅଫିସର ଡାକ୍ତର ଚିନ୍ମୟ କୁମାର ସାହୁ ଓ କେତେକ ମେଡିକାଲ ଷ୍ଟାଫ୍ ଦମାଲୁରେ ପହଞ୍ଚି ସ୍ଥାନୀୟ ଲୋକଙ୍କର ସ୍ୱାସ୍ଥ୍ୟ ପରୀକ୍ଷା ନିରୀକ୍ଷା ଆରମ୍ଭ କରିଥିଲେ ।
ଦମାଲୁ ଗ୍ରାମରେ ଅଜଣା ରୋଗ ୨ଶିଶୁଙ୍କ ମୃତ୍ୟୁ ଘଟଣା, ସନ୍ଧାନ କଲା ମେଡିକାଲ ଟିମ