ରାଉରକେଲା: ପୋଲିସ ଗାଡିକୁ ଦେଖି ଦୌଡି ପଳାଉଥିବା ବେଳେ ପରିତ୍ୟକ୍ତ କୂଅରେ ପଡି ଚାଳକ ମୃତ । ଏଭଳି ଅଭାବନୀୟ ଘଟଣା ସୁନ୍ଦରଗଡ ଜିଲ୍ଲା କୋଇଡା ଥାନା ଅନ୍ତର୍ଗତ ଭଞ୍ଜପାଲି ଭବାନୀ ପେଟ୍ରୋଲ ପମ୍ପ ନିକଟରେ ଘଟିଛି ।
ପୋଲିସ ଗାଡିକୁ ଦେଖି ଦୌଡି ପଳାଉଥିବା ବେଳେ ପରିତ୍ୟକ୍ତ କୂଅରେ ପଡି ଚାଳକ ମୃତ
ସୂଚନା ଅନୁଯାୟୀ ପେଟ୍ରୋଲ ପମ୍ପ ନିକଟରେ ଥିବା ଏକ ଚା ଦୋକାନରେ କିଛି ଚାଳକ ଓ ହେଲପର ମିଶି ଚା ପିଉଥିଲେ । ଗୋଟିଏ ଜାଗାରେ ଭିଡ ଥିବା ସହ ସେଥି ମଧ୍ୟରୁ କିଛି ଜଣ ମାସ୍କ ପିନ୍ଧି ନ ଥିଲେ । ତେବେ ଉକ୍ତ ସମୟରେ କୋଇଡା ପୋଲିସର ପେଟ୍ରୋଲିଂ ଗାଡିଟି ରାସ୍ତା ଉପରେ ଆସୁଥିବା ଦେଖି ମାଡ ଭୟରେ ସେହି ସ୍ଥାନରୁ ଚାଳକ ଓ ହେଲପର ମାନେ ଚମ୍ପଟ ମାରି ନିକଟସ୍ଥ ଗ୍ରାମ ଆଡକୁ ଧାଇଁ ପଳାଇଥିଲେ । ହେଲେ ସେ ମଧ୍ୟରୁ ଝୁଲନ ଚୌଧୁରୀ (୨୮ ) ଦୌଡ଼ି ପଳାଉଥିବା ବେଳେ ଏକ ଖୋଲା କୂଅରେ ପଡି ଯାଇଥିଲେ । ଗଭୀର ପାଣି ଥିବା ଏବଂ ପହଁରା ଜାଣି ନଥିବାରୁ ତାଙ୍କର୍ ମୃତ୍ୟୁ ହୋଇ ଥିବା ସନ୍ଦେହ କରାଯାଉଛି ।