ସୁନ୍ଦରଗଡ: ନଦୀରେ ବୁଡି ଯୁବକଙ୍କ ମୃତ୍ୟୁ । ସୁନ୍ଦରଗଡ ଜିଲ୍ଲା ରାଉରକେଲା ବ୍ରାହ୍ମଣୀ ତରଙ୍ଗ ଚକଟମାଟି ନିକଟ ଶଙ୍ଖ ନଦୀରେ ବୁଡି ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟ ଦୁଇଜଣ ଯୁବକ ଅଳ୍ପକେ ବର୍ତ୍ତି ଯାଇଛନ୍ତି । ମୃତ ଯୁବକ ଜଣଙ୍କ ରାଉରକେଲା ମଧୁସୂଦନ ପାଲିର ତ୍ରିଲୋଚନ ମହାକୁଡ (23) ବୋଲି ଜଣାପଡିଛି ।
ସୂଚନା ଅନୁଯାୟୀ, କେତେକ ଯୁବକ ପିକନିକ୍ କରିବାକୁ ରବିବାର ବ୍ରାହ୍ମଣୀ ତରଙ୍ଗ ଚକଟମାଟି ନିକଟ ଶଙ୍ଖ ନଦୀ କୂଳକୁ ଆସିଥିଲେ । ସେମାନଙ୍କ ମଧ୍ୟରୁ କେତେ ଜଣ ନଦୀରେ ଗାଧୋଉଥିବା ବେଳେ ତିନିଜଣ ଯୁବକ ଗଭୀର ଜଳ ମଧ୍ୟକୁ ଭାସି ଯାଇଥିଲେ । ସେମାନଙ୍କ ମଧ୍ୟରୁ ଦୁଇ ଜଣଙ୍କୁ ଅଗ୍ନିଶମ ବାହିନୀ ଓ ସ୍ଥାନୀୟ ଲୋକେ ଉଦ୍ଧାର କରିଥିବା ବେଳେ ତ୍ରିଲୋଚନଙ୍କର ମୃତଦେହ ଉଦ୍ଧାର କରାଯାଇଛି ।
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ