ପୁଣି ବଜ୍ରପାତ ନେଲା ଜୀବନ: ଜଣେ ମୃତ, ଜଣେ ଆହତ

ସୁନ୍ଦରଗଡ଼ ଜିଲ୍ଲା ବଡ଼ଗାଁ ଅଞ୍ଚଳରେ ବଜ୍ରଘାତରେ ଜଣେ ଯୁବକଙ୍କ ମୃତ୍ୟୁ ଘଟିଥିବା ବେଳେ ଅନ୍ୟଜଣେ ଆହତ ହୋଇଛନ୍ତି ।

ରାଉରକେଲା: ସୁନ୍ଦରଗଡ଼ ଜିଲ୍ଲା ବଡ଼ଗାଁ ଥାନା ଅନ୍ତର୍ଗତ ପମରା ଗାଁରେ ବଜ୍ରାଘାତରେ ଜଣେ ଯୁବକଙ୍କ ମୃତ୍ୟୁ ଘଟିଛି । ଏହି ଘଟଣାରେ ଅନ୍ୟ ଜଣେ ଯୁବକ ଆହତ ହୋଇଛନ୍ତି ।

ସୂଚନା ଅନୁସାରେ, ପାମରା ଗାଁର ବିନୋଦ ପୋଢ଼ ଓ ଗୋକୁଳା ପୋଢ଼ ବଜାରରୁ ଫେରୁଥିବା ବେଳେ ହଠାତ ତାଙ୍କ ଉପରେ ବଜ୍ରପାତ ହୋଇଥିଲା । ଯେଉଁଥିରେ ବିନୋଦ ଗୁରୁତର ଆହତ ହୋଇଥିବା ବେଳେ ଗୋକୁଳା ସାମାନ୍ୟ ଆହତ ହୋଇଥିଲା । ଗ୍ରାମବାସୀମାନେ ଗୁରୁତର ଆହତ ବିନୋଦଙ୍କ ଚେତା ଫେରାଇବା ପାଇଁ ବହୁ ସମୟ ଧରି ଗୋବରରେ ଆଚ୍ଛାଦିତ କରି ରଖିଥିଲେ । ପରେ ତାଙ୍କର ମୃତ୍ୟୁ ଘଟିଥିଲା । ଆହତଙ୍କୁ ବଡ଼ଗାଁ ହସ୍ପିଟାଲରେ ଭର୍ତ୍ତି କରାଯାଇଛି ।

ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ