ରାଉରକେଲା: ବାତ୍ୟା ଫନି ପରେ ବିଦ୍ୟୁତ୍ ସଂଯୋଗ ଯାଞ୍ଚ କରିବା ପାଇଁ ଯାଇ ଭୁବନେଶ୍ବରରୁ ଫେରୁଥିବା ସମୟରେ ଟ୍ରେନରୁ ଖସିପଡି ରାଉରକେଲା ସରକାରୀ ଆଇଟିଆଇର ଜଣେ ଛାତ୍ରଙ୍କର ମୃତ୍ୟୁ ଘଟିଛି । ଏହାକୁ ନେଇ ରାଉରକେଲା ଆଇଟିଆଇର ଛାତ୍ରଛାତ୍ରୀମାନଙ୍କ ମଧ୍ୟରେ ଉତ୍ତେଜନା ଦେଖାଯାଇଛି । ଛାତ୍ରଛାତ୍ରୀମାନେ ଆଇଟିଆଇ ମୁଖ୍ୟ ଫାଟକରେ ତାଲା ପକାଇ ବିକ୍ଷୋଭ ପ୍ରଦର୍ଶନ କରିଛନ୍ତି । ଏହା ସହିତ ପରିବାରର ଜଣକୁ ସରକାରୀ ଚାକିରୀ ଏବଂ ପଚିଶ ଲକ୍ଷ ଟଙ୍କା କ୍ଷତିପୂରଣ ଦେବାକୁ ଦାବି କରିଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା ରାଉରକେଲା ରାଉରକେଲା ସରକାରୀ ଆଇଟିଆଇର ଛାତ୍ର ଭାସ୍କର ସାହୁ ସାଇକ୍ଲୋନ ଫନି ପରେ ଘରେ ଘରେ ବୁଲି ବିଦ୍ୟୁତ ସଂଯୋଗ ଯାଞ୍ଚ କରିବା ଲାଗି ଭୁବନେଶ୍ୱର ଯାଇଥିଲେ । ବୁଧବାର ସେଠାରୁ ଫେରିଲା ବେଳେ ରାଜଗାଙ୍ଗପୁରରୁ କାଂଶ ବହଲ ମଧ୍ୟରେ ଟ୍ରେନରୁ ଖସିପଡିଥିଲେ । ଭାସ୍କର ଇଣ୍ଟରସିଟି ଏକ୍ସପ୍ରେସରୁ ଗଳି ପଡିବା ପରେ ଛାତ୍ରମାନେ 108କୁ ଫୋନ କରିଥିଲେ କିନ୍ତୁ ଆମ୍ବୁଲାନ୍ସ ଆସିବାକୁ ମନା କରିଥିଲା ବୋଲି ଛାତ୍ରମାନେ ଅଭିଯୋଗ କରିଛନ୍ତି । ତା ପରେ ସେଠାରେ ତାଙ୍କର ମୃତ୍ୟୁ ହୋଇଥିଲା । ଉତ୍ତେଜନା ଯୋଗୁଁ ଆଜି ଆଇଟିଆଇ ବନ୍ଦ ରହିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
