ରାଉରକେଲା: ହକି ବିଶ୍ବକପ ୨୦୨୩ର ବହୁ ପ୍ରତିକ୍ଷୀତ ମ୍ୟାଚ ଅମୀମାଂସିତ ରହିଛି । ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମରେ ଭାରତ ଓ ଇଂଲଣ୍ଡ ମଧ୍ୟରେ କଡ଼ା ଟକ୍କର ଦେଖିବାକୁ ମିଳିଥିଲା । ନିର୍ଦ୍ଧାରିତ ସମୟ ମଧ୍ୟରେ କୌଣସି ଦଳ ଗୋଟିଏ ମଧ୍ୟ ଗୋଲ୍ କରିପାରି ନଥିଲେ । ଫଳରେ ବହୁ ପ୍ରତୀକ୍ଷିତ ମ୍ୟାଚ ଅମୀମାଂସିତ ରହିଛି । ଫଳରେ ଉଭୟ ଦଳକୁ ଗୋଟିଏ ଲେଖାଏଁ ପଏଣ୍ଟ ମିଳିଛି । ତେବେ ଇଂଲଣ୍ଡର ପେନ ଓଲିଭର ମ୍ୟାଚ୍ର ଶ୍ରେଷ୍ଠ ଖଳାଳୀ ବିବେଚିତ ହୋଇଛନ୍ତି ।
FIH ହକି ବିଶ୍ବକପ ୨୦୨୩ର ଦଶମ ମ୍ୟାଚରେ ରାଉରକେଲାର ବିର୍ସା ମୁଣ୍ଡା ଅନ୍ତର୍ଜାତୀୟ ହକି ଷ୍ଟାଡିୟମରେ ଘରୋଇ ଭାରତ ଓ ଇଂଲଣ୍ଡ ମଧ୍ୟରେ କଡା ମୁକାବିଲା ଦେଖିବାକୁ ମିଳିଥିଲା । ଉଭୟ ଟିମ୍ ଚଳିତ ବିଶ୍ବକପରେ ନିଜ ନିଜର ଦ୍ବିତୀୟ ମ୍ୟାଚ ପାଇଁ ମୈଦାନକୁ ଓହ୍ଲାଇଥିବାବେଳେ ଉଭୟ ଟିମ୍ ମଧ୍ୟରେ ଜୋରଦାର ଲଢ଼େଇ ଦେଖିବାକୁ ମିଳିଥିଲା । ତେବେ ନିର୍ଦ୍ଧାରିତ ସମୟ ମଧ୍ୟରେ କୌଣସି ଟିମ୍ ଗୋଲ୍ ସ୍କୋର କରିପାରି ନାହାନ୍ତି । ଫଳରେ ଉଭୟ ଦଳକୁ ଗୋଟିଏ ଲେଖାଏଁ ପଏଣ୍ଟ ମିଳିଛି । ତେବେ ଚଳିତ ବିଶ୍ବକପରେ ଭାରତ ଅପେକ୍ଷା ଇଂଲଣ୍ଡ ଅଧିକ ଗୋଲ୍ ସ୍କୋର କରିଥିବାରୁ ଟେବୁଲର ଶୀର୍ଷରେ ରହିଛି ଇଂଲଣ୍ଡ ।