ସୁନ୍ଦରଗଡ଼: ଜିଲ୍ଲା ପୋଲିସକୁ ମିଳିଛି ଏକ ବଡ ସଫଳତା । ପୋଲିସ ୬ କେଜିରୁ ଅଧିକ ଗଞ୍ଜେଇ ଜବତ ହୋଇଥିବା ବେଳେ ୧.୫ ଗ୍ରାମର ବ୍ରାଉନସୁଗାର ଜବତ କରିଛି । ଏହି ଘଟଣାରେ ଜଣେ ମହିଳାଙ୍କ ସମେତ ଜଣେ ପୁରୁଷଙ୍କୁ ଗିରଫ କରାଯାଇଥିବା ସୂଚନା ମିଳିଛି ।
ସୁନ୍ଦରଗଡ ପୋଲିସକୁ ସଫଳତା, ୧୫ ଦିନ ମଧ୍ୟରେ ୮ ନିଶା ବ୍ୟବସାୟୀ ଗିରଫ
ଆଜିକୁ ମିଶାଇ 15 ଦିନ ମଧ୍ୟରେ 8 ନିଶା ବେପାରୀଙ୍କୁ ଗିରଫ କରିଛି ଜିଲ୍ଲା ପୋଲିସ । ପ୍ରାୟ 19 ଗ୍ରାମ ବ୍ରାଉନ ସୁଗାର, 6.5 kg ଓଜନର ଗଞ୍ଜେଇ ଜବତ କରିଛି । ଏହାସହିତ 8 ଜଣ ନିଶା ବେପାରୀଙ୍କ ମଧ୍ୟରେ ଆଜି ଘଟଣାରେ ଦୁଇ ଜଣ ଅଭିଯୁକ୍ତ ସାମିଲ ଅଛନ୍ତି । ୨ ଅଭିଯୁକ୍ତଙ୍କ ମଧ୍ୟରେ ଜଣେ ମହିଳା ଓ ଜଣେ ପୁରୁଷ ସାମିଲ ଅଛନ୍ତି । ଆଜି 6.5 କେଜି ଗଞ୍ଜେଇ ଓ 1.5 ଗ୍ରାମ ଓଜନର ବ୍ରାଉନ ସୁଗାର ସହ ଏମାନେ ପୋଲିସ ହାତରେ ଧରାପଡିଛନ୍ତି । ଟାଉନ ପୋଲିସ ଏମାନଙ୍କୁ ଟାଉନ ଥାନା ଅନ୍ତର୍ଗତ ରାଣୀ ବଗିଚା ବାଇପାଶ ନିକଟରୁ ଗିରଫ କରିଛି । ଗଞ୍ଜେଇ ଓ ବ୍ରାଉନ ସୁଗାରକୁ ଜବତ କରିବା ସହ ଏମାନଙ୍କ ନିକଟରୁ OD-14S-4926 ନମ୍ବର ବିଶିଷ୍ଟ ଗୋଟିଏ ରୟାଲ ଏନଫିଲ୍ଡ ବୁଲେଟ ଜବତ କରିଛି ।