ତୃଣମୂଳସ୍ତରରେ ହକିର ଉନ୍ନତି ପାଇଁ ସ୍ବତନ୍ତ୍ର ପଦକ୍ଷେପ ରାଉରକେଲା: ରାଉରକେଲାରେ ବିଜୁ ପଟ୍ଟନାୟକ ହକି ଷ୍ଟାଡିୟମରେ ଆୟୋଜିତ ହୋଇଛି ସ୍ବତନ୍ତ୍ର ତୃଣମୂଳ ହକି ବିକାଶ କାର୍ଯ୍ୟକ୍ରମ । ଦିଲ୍ଲୀପ ତିର୍କୀ ସ୍ପୋର୍ଟସ ଫାଉଣ୍ଡେସନ ଓ ଜିନ୍ଦଲ ଷ୍ଟିଲ ଆଣ୍ଡ ପାୱାର ଫାଉଣ୍ଡେସନ ମିଳିତ ଭାବେ ଲୁକାୟିତ ପ୍ରତିଭାକୁ ଲୋକଲୋଚନକୁ ଆଣିବାକୁ ଆରମ୍ଭ କରିଛନ୍ତି ପ୍ରଚେଷ୍ଟା । ଓଡ଼ିଶାର ଯୁବ ହକି ପ୍ରତିଭାର ବିକାଶ ଏବଂ ଖେଳର ଲୁକାୟିତ ପ୍ରତିଭାକୁ ଉନ୍ମୋଚନ କରିବା ଉଦ୍ଦେଶ୍ୟରେ ରାଉରକେଲା ସେକ୍ଟର ୫ ସ୍ଥିତ ବିଜୁ ପଟ୍ଟନାୟକ ହକି ଷ୍ଟାଡିୟମରେ ଦିଲ୍ଲୀପ ତିର୍କୀ ସ୍ପୋର୍ଟସ ଫାଉଣ୍ଡେସନ ଓ ଜିନ୍ଦଲ ଷ୍ଟିଲ୍ ଆଣ୍ଡ ପାୱାର ଫାଉଣ୍ଡେସନ ପକ୍ଷରୁ ଏକ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।
ତେବେ ଏହି କାର୍ଯ୍ୟକ୍ରମର ଉଦ୍ଦେଶ୍ୟ ହେଲା ତୃଣମୂଳସ୍ତରରେ ଆଶାୟୀ ଯୁବ ଖେଳାଳୀଙ୍କୁ ପ୍ରଶିକ୍ଷଣ ଏବଂ ସମ୍ବଳ ପ୍ରଦାନ କରିବା ଏବଂ ସେମାନଙ୍କର ହକି ଜଗତରେ ଯାତ୍ରା ପାଇଁ ମାର୍ଗ ପ୍ରସ୍ତୁତ କରିବା । ଏହି କାର୍ଯ୍ୟକ୍ରମରେ ସୁନ୍ଦରଗଡ଼ ଜିଲ୍ଲାର ୧୭ଟି ବ୍ଲକରୁ ୫ ହଜାର ଉଦୀୟମାନ ହକି ଖେଳାଳୀ ଯୋଗ ଦେଇଥିଲେ । ଦିଲ୍ଲୀପ ତିର୍କୀ ସ୍ପୋର୍ଟସ ଫାଉଣ୍ଡେସନ ଏବଂ ଜିନ୍ଦଲ ଷ୍ଟିଲ ଆଣ୍ଡ ପାୱାର ଫାଉଣ୍ଡେସନ ମଧ୍ୟରେ ସହଯୋଗ ଏକ ବ୍ୟାପକ ଏବଂ ପ୍ରଭାବୀ କାର୍ଯ୍ୟକ୍ରମକୁ ସୁନିଶ୍ଚିତ କରିବା ପାଇଁ ସେମାନଙ୍କ ସାମୂହିକ ବିଶେଷଜ୍ଞତା ଏବଂ ସମ୍ବଳକୁ ଏକାଠି କରିଥିଲା । ଏଠାରେ ରାଜ୍ୟ କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା, ଶ୍ରମ ମନ୍ତ୍ରୀ ସାରଦା ନାୟକ, ପଦ୍ମଶ୍ରୀ ଦିଲ୍ଲୀପ ତିର୍କୀ, JSP ଫାଉଣ୍ଡେସନର ସଦସ୍ୟ ଏବଂ ଭାରତୀୟ ହକି ଜଗତର ପ୍ରତିଭାବାନ ଖେଳାଳୀମାନେ ମଧ୍ୟ ଯୋଗ ଦେଇଥିଲେ ।
ପ୍ରତିଭା ବିକାଶର ଗୁରୁତ୍ବକୁ ଉପଲବ୍ଧି କରି ଆୟୋଜକମାନେ ପ୍ରତ୍ୟେକ ଅଂଶଗ୍ରହଣକାରୀଙ୍କୁ ଏକ ହକି କିଟ୍ ଏବଂ ବୃତ୍ତିଗତ ପ୍ରଶିକ୍ଷଣ ପ୍ରଦାନ କରିବା ପାଇଁ ପ୍ରତିବଦ୍ଧ ଥିଲେ । ଏହା ଭାରତୀୟ ହକିର ଭବିଷ୍ୟତ ତାରକାରେ ପରିଣତ ହେବାର ମଞ୍ଚ ପ୍ରସ୍ତୁତ କରିଛି । ଏହି ଦିବସର ଆରମ୍ଭ ଏକ ଭବ୍ୟ ଉଦ୍ଘାଟନୀ ସମାରୋହରେ ହୋଇଥିଲା, ଯେଉଁଥିରେ ବିଶିଷ୍ଟ ଅତିଥି ତଥା ବିଶିଷ୍ଟ ବ୍ୟକ୍ତିମାନେ ଯୋଗ ଦେଇଥିଲେ ।
ଏହି କାର୍ଯ୍ୟକ୍ରମ ଯୁବ ଆଥ୍ଲେଟମାନଙ୍କୁ ଏକ ସାମଗ୍ରିକ ପ୍ରଶିକ୍ଷଣ ଅଭିଜ୍ଞତା ପ୍ରଦାନ କରିବା ପାଇଁ ଆୟୋଜନ କରାଯାଇଥିଲା । ଯାହା ଶାରୀରିକ ସ୍ଥିତି ଏବଂ ରଣନୈତିକ ଜ୍ଞାନ ସହିତ ବୈଷୟିକ ଦକ୍ଷତା ବିକାଶକୁ ପିଲାଙ୍କ ମଧ୍ୟରେ ଦର୍ଶାଇବ । ଆୟୋଜକ ଫାଉଣ୍ଡେସନ୍ ଦ୍ବାରା ଚୟନ କରାଯାଇଥିବା ବିଶେଷଜ୍ଞ ପ୍ରଶିକ୍ଷକମାନେ ଖେଳାଳୀମାନଙ୍କୁ ବିଭିନ୍ନ ପ୍ରକାରର ଅଭ୍ୟାସ ଏବଂ ଡ୍ରିଲ୍ ମାଧ୍ୟମରେ ମାର୍ଗଦର୍ଶନ କରିବେ । ଅଂଶଗ୍ରହଣକାରୀମାନଙ୍କୁ ବ୍ୟକ୍ତିଗତ ଭାବେ ଧ୍ୟାନ ଦିଆଯାଇ ଏବଂ ସେମାନଙ୍କ ଦକ୍ଷତାକୁ ଅଭିଜ୍ଞ ପରାମର୍ଶଦାତାଙ୍କ ନଜରରେ ରଖି ସେମାନଙ୍କ ସୀମାକୁ ଆଗକୁ ବଢାଇବା ପାଇଁ ପ୍ରୋତ୍ସାହିତ କରାଯିବ । ଖେଳାଳୀଙ୍କ ନିରନ୍ତର ବିକାଶ ଏବଂ ପ୍ରଗତି ସୁନିଶ୍ଚିତ କରିବା ପାଇଁ ନିରନ୍ତର ସହାୟତାର ଆବଶ୍ୟକତାକୁ ପୂରଣ କରାଯିବ ବୋଲି ଆୟୋଜକ ମାନେ ପ୍ରତିକ୍ରିୟା ଦେଇଥିଲେ । ଏହି ପରିପ୍ରେକ୍ଷୀରେ ଦିଲ୍ଲୀପ ତିର୍କୀ ସ୍ପୋର୍ଟସ ଫାଉଣ୍ଡେସନ ଏବଂ ଜିନ୍ଦଲ ଷ୍ଟିଲ ଆଣ୍ଡ ପାୱାର ଫାଉଣ୍ଡେସନର ଅଧିକାରୀ ଆଞ୍ଚଳିକ ଏବଂ ଜାତୀୟ ସ୍ତରର ପିଲାଙ୍କୁ ସୁଯୋଗ ପ୍ରଦାନ କରିବା ପାଇଁ ବ୍ୟବସ୍ଥା କରାଯିବ ବୋଲି କହିଛନ୍ତି ।
ଇଟିଭି ଭାରତ, ରାଉରକେଲା
