ସୁନ୍ଦରଗଡ:ଜିଲ୍ଲାର ଶିକ୍ଷିତ ଯୁବକ ଯୁବତୀଙ୍କ ପାଇଁ ମାଗଣାରେ ନିଯୁକ୍ତି ଉପଯୋଗୀ କୋଚିଂ ସେଣ୍ଟର 'ସୁଦକ୍ଷ' ଆରମ୍ଭ କଲା ଜିଲ୍ଲା ପ୍ରଶାସନ । ସୁନ୍ଦରଗଡରେ ଆଜି(ମଙ୍ଗଳବାର) ଏହି ପ୍ରକଳ୍ପ ତା'ର କାର୍ଯ୍ୟ ଆରମ୍ଭ କରିଥିବାବେଳେ ଆଗାମୀ ଦିନରେ ବଣେଇ ଓ ରାଉରକେଲାରେ କାମ ଆରମ୍ଭ କରିବା ନେଇ ସୂଚନା ଦେଇଛନ୍ତି ଜିଲ୍ଲାପାଳ । ଜିଲ୍ଲାର ବେକାର ଶିକ୍ଷତ ଯୁବକ-ଯୁବତୀଙ୍କୁ ଏହି କୋଚିଂ ମାଗଣାରେ ଦିଆଯିବା ସହ ସେମାନଙ୍କୁ ବ୍ୟାଙ୍କିଙ୍ଗ, ଷ୍ଟାଫ୍ ସିଲେକ୍ସନ, ରେଲଓ୍ବେ, ଆର୍ମି, ଏୟାରଫୋର୍ସ, ନାଭାଲ, ଅର୍ଦ୍ଧ ସାମରିକ ଏବଂ ଓଡିଶା ପୋଲିସରେ ନିଯୁକ୍ତି ପାଇବା ପାଇଁ ଯେଉଁସବୁ ପରୀକ୍ଷା ଦେବାକୁ ହୁଏ, ସେନେଇ ପ୍ରସ୍ତୁତ କରାଯିବ ବୋଲି ଜିଲ୍ଲାପାଳ ନିଖିଲ ପବନ କଲ୍ୟାଣ କହିଛନ୍ତି ।
ଯୁବକ ଯୁବତୀଙ୍କ ପାଇଁ ଆରମ୍ଭ ହେଲା ମାଗଣା କୋଚିଂ ସେଣ୍ଟର 'ସୁଦକ୍ଷ'