ରାଉରକେଲା: ସୁନ୍ଦରଗଡ଼ ଜିଲ୍ଲାର ରାଜନୀତି ସମୀକରଣରେ ପୁଣି ନୂଆ ମୋଡ଼ । ପୂର୍ବତନ ବିଧାୟକ ଜର୍ଜ ତିର୍କୀ କଂଗ୍ରେସ ଛାଡିବାର ୮ ମାସ ପରେ ପୁଣି ବିଜେଡିରେ ଯୋଗଦେବା ନେଇ ଦେଇଛନ୍ତି ସୂଚନା । ଗତ ସାଧାରଣ ନିର୍ବାଚନରେ କଂଗ୍ରେସରୁ ଲୋକସଭା ଆସନରେ ନିର୍ବାଚନ ଲଢ଼ିଥିଲେ ଜର୍ଜ ତିର୍କୀ । ତେବେ କଂଗ୍ରେସ ଛାଡ଼ିବା ପରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ କାର୍ଯ୍ୟକୁ ପ୍ରଶଂସା କରିବା ସହ ଆଗାମୀ ଦିନରେ କଂଗ୍ରେସ ମୂଳପୋଛ ହେବ ବୋଲି ସେ କହିଛନ୍ତି ।
ବୀରମିତ୍ରପୁରର ପୂର୍ବତନ ବିଧାୟକ ହେଉଛନ୍ତି ଜର୍ଜ ତିର୍କୀ । କଂଗ୍ରେସ ଦଳ ଛାଡିବା ପରେ ବର୍ତ୍ତମାନ ବିଜେଡିରେ ଯୋଗଦେବା ନେଇ ନିଜେ ସୂଚନା ଦେଇଛନ୍ତି । ପଦ୍ମପୁର ଉପନିର୍ବାଚନ ପରେ ପୁଣି ବିଜେଡି ଦଳକୁ ଫେରିବେ ବୋଲି ସୂଚନା ଦେଇଛନ୍ତି । ଜର୍ଜ କହିଛନ୍ତି, "କଂଗ୍ରେସ ଦଳର ଯୋଗଦେବା ସମ୍ପୂର୍ଣ୍ଣ ଭୁଲ ନିଷ୍ପତ୍ତି ଥିଲା । କଂଗ୍ରେସରେ ଯୋଗ ଦେବା ପରଠାରୁ ତିନି ବର୍ଷ ଧରି ରାଉରକେଲା ଜିଲ୍ଲା କଂଗ୍ରେସ ସଭାପତି ଭାବେ କାର୍ଯ୍ୟ କରିବା ମଧ୍ୟରେ ବାରମ୍ବାର ଦଳରେ ଗୋଷ୍ଠୀ କନ୍ଦଳ ଲାଗି ରହିଥିଲା । ବ୍ଲକସ୍ତରରୁ ନେଇ ଜିଲ୍ଲା ଏବଂ ପ୍ରଦେଶ କଂଗ୍ରେସ ଭିତରେ ସବୁଠି ଲାଗି ରହିଛି ଗୋଷ୍ଠୀ କନ୍ଦଳ ।" ଜର୍ଜ ତିର୍କୀ କଂଗ୍ରେସ ଛାଡି ଦେଇଥିବା କହିଛନ୍ତି ଏବଂ ବର୍ତ୍ତମାନ ସେ ବିଜେଡିରେ ଯୋଗଦବେ ବୋଲି କହିଛନ୍ତି ।