ଯୁବକଙ୍କୁ ମରଣାନ୍ତକ ଆକ୍ରମଣ, 4 ଗିରଫ

ରାଉରକେଲା ପ୍ଲାଣ୍ଟସାଇଡ଼ ଥାନା ଅଞ୍ଚଳରେ ଯୁବକଙ୍କୁ ମରଣାନ୍ତକ ଆକ୍ରମଣ । ଛୁରାରେ ଯୁବକଙ୍କୁ ଆକ୍ରମଣ କରି ପିଠିକୁ ଚିରି ଦେଲେ ଦୁର୍ବୃତ୍ତ । ଅଧିକ ପଢ଼ନ୍ତୁ

ରାଉରକେଲା : ରାଉରକେଲା ପ୍ଲାଣ୍ଟସାଇଡ଼ ଥାନା ଅଞ୍ଚଳରେ ଯୁବକଙ୍କୁ ମରଣାନ୍ତକ ଆକ୍ରମଣ । ଛୁରୀ ସାହାଯ୍ୟରେ ଯୁବକଙ୍କୁ ଆକ୍ରମଣ କରି ପିଠିକୁ ଚିରି ଦେଲେ ଦୁର୍ବୃତ୍ତ । ଏନେଇ ଗୁରୁତର ଅବସ୍ଥାରେ ଆହତ ଯୁବକଙ୍କୁ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଛି । ପୂର୍ବ ଶତୃତାକୁ ନେଇ ଏଭଳି ଆକ୍ରମଣ ହୋଇଥିବା ଅନୁମାନ । ଏହି ଘଟଣାରେ ପୋଲିସ 4ଜଣଙ୍କୁ ଗିରଫ କରିଛି ।

ପ୍ଲାଣ୍ଟସାଇଡ଼ ପୋଲିସ ଅଭିଯୁକ୍ତଙ୍କ ଠାରୁ ଆକ୍ରମଣରେ ବ୍ୟବହୃତ ଏକ ଧାରୁଆ ଅସ୍ତ୍ର ଜବତ କରାଯାଇଛି । ଏ ବାବଦରେ ଅଧିକ ତଦନ୍ତ ଜାରି ରହିଛି । ତେବେ ଆହତ ଯୁବକ ଜଣକ ହେଲେ ରାଜୀବ ଚକ୍ରବର୍ତ୍ତୀ । ରାଜୀବ ଡିଲକ୍ସ ହୋଟେଲ ଗଳିରେ ଯାଉଥିବା ବେଳେ ଅଚାନକ ଚାରି ପାଞ୍ଚ ଜଣ ଯୁବକ ଧାରୁଆ ଅସ୍ତ୍ରରେ ରାଜୀବଙ୍କୁ ଆକ୍ରମଣ କରିଥିଲେ ।

ରାଜୀବଙ୍କୁ ମାଡ଼ ମାରିବା ସହ ତାଙ୍କ ପିଠିକୁ ଛୁରାରେ କାଟି ଦେଇଥିଲେ ଦୁର୍ବୃତ୍ତମାନେ । ତେବେ ଲୋକେ ଏହାକୁ ଦେଖିବା ପରେ ଗୁରୁତର ଅବସ୍ଥାରେ ରାଜୀବଙ୍କୁ ତୁରନ୍ତ ରାଉରକେଲା ସରକାରୀ ହସପିଟାଲ ନିଆଯାଇଥିଲା । ହେଲେ ସେଠାରୁ ତାଙ୍କୁ ପ୍ରାଥମିକ ଚିକିତ୍ସା କରି ଆଇଜିଏଚ ସ୍ଥାନାନ୍ତର କରାଯାଇଛି । ଏହି ଘଟଣାର ଅଧିକ ତଦନ୍ତ ଜାରି ରଖିଛି ପ୍ଲାଣ୍ଟସାଇଡ଼ ପୋଲିସ । ପୂର୍ବ ଶତୃତାକୁ ନେଇ ଏଭଳି ମରଣାନ୍ତକ ଆକ୍ରମଣ ହୋଇଥିବା ଅନୁମାନ କରାଯାଉଛି ।

ଇଟିଭି ଭାରତ, ରାଉରକେଲା