ରାଉରକେଲା: ସୁନ୍ଦରଗଡ଼ ଜିଲ୍ଲା ବଡ଼ଗାଁ ଫରେଷ୍ଟ ରେଞ୍ଜ ବିରତୁଲା ଗାଁ ଜଙ୍ଗଲ ନିକଟରେ ଏକ ପରିତ୍ତ୍ୟକ୍ତ ପୋଖରୀରେ ଏକ ହାତୀ ଖସି ପଡିଥିବା ସୂଚନା ମିଳିଥିଲା । ପୋଖରୀରେ ପାଣି ଭର୍ତ୍ତି ଥିବା ବେଳେ ହାତୀଟି ସମ୍ପୂର୍ଣ୍ଣ ବୁଡିଯାଇ କେବଳ ପିଠିର କିଛି ଅଂଶ ପାଣି ଉପରକୁ ଦେଖାଯାଉଥିଲା।
ଆଜି ସକାଳୁ ଗାଁ ଲୋକେ ଜଙ୍ଗଲ ଆଡ଼କୁ ଯିବା ସମୟରେ ଏହା ଦେଖିବାକୁ ପାଇ ବନ ବିଭାଗ କୁ ଖବର ଦେଇଥିଲେ । ହାତୀ ରାତିରେ ପୋଖରୀରେ ଖସି ପଡିଥିବା ଅନୁମାନ କରାଯାଉଛି । ତଥାପି ଗାଁ ଲୋକେ ହାତୀଟିକୁ ଉଦ୍ଧାର କରିବା ପାଇଁ ଚେଷ୍ଟା ଚଳାଇଥିଲେ ।ଏହାପରେ ବନବିଭାଗ କର୍ମଚାରୀ ,ଦମକଳ ବିଭାଗର କର୍ମଚାରୀ ଓ ଗ୍ରାମବାସୀମାନଙ୍କର ନିରନ୍ତର ପ୍ରୟାସ ବଳରେ ଗଜରାଜ ହାତୀକୁ କୂଅ ଭିତରୁ ଉଦ୍ଧାର କରାଯାଇଛି । ହାତୀଟି ବର୍ତ୍ତମାନ ଜଙ୍ଗଲକୁ ଚାଲିଯାଇଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ
