ସୁନ୍ଦରଗଡ:ଜିଲ୍ଲା ପ୍ରଶାସନ ପକ୍ଷରୁ 3ଟି ନୂଆ ଜନ କଲ୍ୟାଣ କାର୍ଯ୍ୟକ୍ରମର ଶୁଭାରମ୍ଭ କରାଯାଇଛି। ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ଥିବା ବିକାଶ ଭବନଠାରେ ଆୟୋଜିତ ସ୍ବତନ୍ତ୍ର ଉତ୍ସବରେ ଜିଲ୍ଲାପାଳ ନିଖିଲ ପବନ କଲ୍ୟାଣ ଜିଲ୍ଲାବାସୀଙ୍କ ସ୍ବାସ୍ଥ୍ୟ ତଥା ଶ୍ରମିକଙ୍କ ସୁରକ୍ଷା ଲାଗି ଏହି କାର୍ଯ୍ୟକ୍ରମ ଗୁଡ଼ିକୁ ଲୋକାର୍ପଣ କରିଛନ୍ତି। ଜିଲ୍ଲାରେ ସହରରୁ ଗାଁ ପର୍ଯ୍ୟନ୍ତ ଲୋକଙ୍କୁ ମାଗଣାରେ ଡାକ୍ତରୀ ପରୀକ୍ଷା ସେବା ଯୋଗାଇଦେବା ପାଇଁ "ଇ-ସ୍ବାସ୍ଥ୍ୟ', ବ୍ଲକ ସ୍ତରରେ ଫିଜିଓଥେରାପି ଏବଂ ବିଭିନ୍ନ ଆଧୁନିକ ଥେରାପି ଲାଗି ‘ସମନ୍ବିତ ଭୌତିକ ଚିକିତ୍ସା’ ସହ ଜିଲ୍ଲାର ଶ୍ରମିକମାନଙ୍କ ନିରାପତ୍ତା ଓ ସ୍ବାସ୍ଥ୍ୟରକ୍ଷା ଲାଗି ସ୍ବତନ୍ତ୍ର ‘ସୁରକ୍ଷା କିଟ୍’ ବ୍ୟବସ୍ଥା ଆରମ୍ଭ କରାଯାଇଛି।
ସୁନ୍ଦରଗଡ଼ରେ ଜିଲ୍ଲା ପ୍ରଶାସନ ଆରମ୍ଭ କଲା ‘ଇ-ସ୍ୱାସ୍ଥ୍ୟ’ ସେବା, ମାଗଣାରେ ମିଳିପାରିବ ୭୬ ପ୍ରକାର ଡାକ୍ତରୀ ପରୀକ୍ଷା ସୁବିଧା ସେହିପରି ଶିଶୁଙ୍କ ପୋଷଣ ପାଇଁ ଅଙ୍ଗନବାଡ଼ି ମାଧ୍ୟମରେ ସୁନ୍ଦରଗଡ଼ ଜିଲ୍ଲାରେ ଚାଲିଥିବା ସ୍ପିରୁଲିନାଯୁକ୍ତ ଚିକି ଓ ଚିନି ଏବଂ ମାଣ୍ଡିଆ ଲଡୁ ମିକ୍ସ ବଣ୍ଟନ କାର୍ଯ୍ୟକ୍ରମର ୧ ବର୍ଷ ପୂର୍ତ୍ତି ପାଳନ କରାଯାଇଛି। “ସ୍ପିରୁଲିନା ଓ ମାଣ୍ଡିଆ ଲଡୁ – ଜିଲ୍ଲାରେ ପିଲାଙ୍କ ପୋଷଣ କାର୍ଯ୍ୟକ୍ରମରେ ସାମିଲ କରାଯାଇଥିବା ଏହି 2ଟି ପୁଷ୍ଟିକର ଖାଦ୍ୟର ସଫଳତା ଆମର ଉତ୍ସାହ ବଢ଼ାଇଛି। ଶିଶୁମାନଙ୍କଠାରେ ଅପପୁଷ୍ଟି ରୋକିବାରେ ଏହା ବିଶେଷ ସହାୟକ ହୋଇପାରିଛି । ଏହାଛଡ଼ା ‘ଇ-ସ୍ବାସ୍ଥ୍ୟ’ ଏବଂ ଫିଜିଓଥେରାପି ଭଳି ଗୁରୁତ୍ବପୂର୍ଣ୍ଣ ସେବା ଏବେ ସାଧାରଣ ଲୋକଙ୍କ ପାଇଁ ବିଶେଷ ଉପକାରୀ ହୋଇପାରିବ। ମୁଖ୍ୟତଃ ସହରାଞ୍ଚଳରେ ମିଳୁଥିବା ବିଭିନ୍ନ ସ୍ବାସ୍ଥ୍ୟସେବା ଓ ସୁବିଧା କିଭଳି ଗ୍ରାମାଞ୍ଚଳରେ ଲୋକଙ୍କ ପାଖରେ ପହଞ୍ଚିପାରିବ, ସେଥିପାଇଁ ଏହି ନୂତନ କାର୍ଯ୍ୟକ୍ରମ ଆରମ୍ଭ କରାଯାଉଥିବା କହିଛନ୍ତି ଜିଲ୍ଲାପାଳ ନିଖିଲ ପବନ କଲ୍ୟାଣ।
ସୁନ୍ଦରଗଡ଼ରେ ଜିଲ୍ଲା ପ୍ରଶାସନ ଆରମ୍ଭ କଲା ‘ଇ-ସ୍ୱାସ୍ଥ୍ୟ’ ସେବା, ମାଗଣାରେ ମିଳିପାରିବ ୭୬ ପ୍ରକାର ଡାକ୍ତରୀ ପରୀକ୍ଷା ସୁବିଧା ‘ଇ-ସ୍ୱାସ୍ଥ୍ୟ’ – ଗୋଟିଏ ନମୁନାରୁ ୭୬ ପ୍ରକାର ପରୀକ୍ଷା:
ସୁନ୍ଦରଗଡ଼ ଜିଲ୍ଲାରେ ‘ଇ-ସ୍ବାସ୍ଥ୍ୟ’ ସେବା କାର୍ଯ୍ୟକାରୀ ହେବା ଦ୍ବାରା ଏବେ ଜିଲ୍ଲାବାସୀ ମାଗଣାରେ ବିଭିନ୍ନ ପ୍ରକାର ଡାକ୍ତରୀ ପରୀକ୍ଷା କରିପାରିବେ। ଡିଜିଟାଲ୍ ଟେକ୍ନୋଲୋଜିର ବ୍ୟବହାର କରି ହିତାଧିକାରୀମାନଙ୍କ ରକ୍ତ ଓ ମୂତ୍ରର ନମୁନାରୁ ୭୬ ପ୍ରକାର ପରୀକ୍ଷାର ରିପୋର୍ଟ ମିଳିପାରିବ। ସେହିପରି ରୋଗୀଙ୍କ ଉଚ୍ଚତା, ଓଜନ, ରକ୍ତଚାପ, ରକ୍ତ ଶର୍କରା, ଇସିଜି ପରୀକ୍ଷା କରି ରେକର୍ଡ଼ କରାଯିବ। ଜିଲ୍ଲାର ୧୨ଟି ସ୍ବାସ୍ଥ୍ୟକେନ୍ଦ୍ରରେ ଏଥିପାଇଁ ‘ଲ୍ୟାବ୍-ଇନ୍-ଦ-ବ୍ୟାଗ୍' ସୁବିଧା ରହିବ। ଏହାଛଡ଼ା ଜିଲ୍ଲାର ବିଭିନ୍ନ ସ୍ଥାନରେ ନମୁନା ସଂଗ୍ରହ କେନ୍ଦ୍ର କରାଯାଇ ଲୋକଙ୍କୁ ଏହି ସେବା ସହିତ ଯୋଡ଼ାଯିବ। ‘ଇ-ସ୍ବାସ୍ଥ୍ୟ’ ଡିଜିଟାଲ ସେବା ମାଧ୍ୟମରେ ‘ମାତୃଜ୍ୟୋତି’ କାର୍ଯ୍ୟକ୍ରମର ଡାଟା ଡିଜିଟାଇଜେସନ ମଧ୍ୟ କରାଯିବ। ଏହାଦ୍ବାରା ଗର୍ଭବତୀ ମା’ମାନଙ୍କର ମେଡିକାଲ ହିଷ୍ଟ୍ରି ରେକର୍ଡ଼ ହେବା ସହ ସେମାନଙ୍କର ଚିକିତ୍ସା ଲାଗି ଆବଶ୍ୟକ ବେଳେ ସେହି ସୂଚନା ତୁରନ୍ତ ମିଳିପାରିବ। ସ୍ବତନ୍ତ୍ର ପୋର୍ଟାଲ ଏବଂ ମୋବାଇଲ୍ ଆପ୍ ମାଧ୍ୟମରେ ଏହି ଡିଜିଟାଲ ଡାଟା ପରିଚାଳନା କରାଯିବ।
ସୁନ୍ଦରଗଡ଼ରେ ଜିଲ୍ଲା ପ୍ରଶାସନ ଆରମ୍ଭ କଲା ‘ଇ-ସ୍ୱାସ୍ଥ୍ୟ’ ସେବା, ମାଗଣାରେ ମିଳିପାରିବ ୭୬ ପ୍ରକାର ଡାକ୍ତରୀ ପରୀକ୍ଷା ସୁବିଧା ବ୍ଲକ୍ ସ୍ତରରେ ଫିଜିଓଥେରାପି ଓ ଅନ୍ୟ ଆଧୁନିକ ଥେରାପି:
ଜୀବନ ଶୈଳୀ ସମସ୍ୟା, ବିଭିନ୍ନ ଜଟିଳ ରୋଗର ପ୍ରଭାବ, ଦୁର୍ଘଟଣାଜନିତ ସମସ୍ୟା, ଅପରେସନ ପୂର୍ବ ଓ ପରବର୍ତ୍ତୀ ଅବସ୍ଥା, ବାର୍ଦ୍ଧକ୍ୟ ଏବଂ ପିଲାଙ୍କ ଭିତରେ ବିଭିନ୍ନ ଜନ୍ମଗତ ସମସ୍ୟା ଆଦି କାରଣରୁ ଲୋକଙ୍କୁ ଫିଜିଓଥେରାପି, ଅର୍ଲି ଇଣ୍ଟରଭେନସନ ଥେରାପି, ସ୍ପିଚ୍ ଥେରାପି, ବିହେଭିୟର ଥେରାପି ଏବଂ ଲର୍ଣ୍ଣିଂ ଥେରାପି ଭଳି ସ୍ବତନ୍ତ୍ର ଚିକିତ୍ସାର ଆବଶ୍ୟକତା ପଡ଼ିଥାଏ। କିନ୍ତୁ, ଗ୍ରାମାଞ୍ଚଳରେ ଏଥିପାଇଁ ଚିକିତ୍ସା ମିଳି ନଥାଏ। କିନ୍ତୁ ଏବେ ସମନ୍ବିତ ଭୌତିକ ଚିକିତ୍ସା ସେବା ଆରମ୍ଭ କରାଯିବା ଫଳରେ ସୁନ୍ଦରଗଡ଼ ଜିଲ୍ଲାର ୧୧ଟି ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ମାଧ୍ୟମରେ ୧୫୦ରୁ ଅଧିକ ଗାଁର ଲୋକଙ୍କୁ ଏହି ସେବା ମାଗଣାରେ ଯୋଗାଇ ଦିଆଯିବ।
ସୁନ୍ଦରଗଡ଼ରେ ଜିଲ୍ଲା ପ୍ରଶାସନ ଆରମ୍ଭ କଲା ‘ଇ-ସ୍ୱାସ୍ଥ୍ୟ’ ସେବା, ମାଗଣାରେ ମିଳିପାରିବ ୭୬ ପ୍ରକାର ଡାକ୍ତରୀ ପରୀକ୍ଷା ସୁବିଧା ସୁନ୍ଦରଗଡ଼ରେ ଜିଲ୍ଲା ପ୍ରଶାସନ ଆରମ୍ଭ କଲା ‘ଇ-ସ୍ୱାସ୍ଥ୍ୟ’ ସେବା, ମାଗଣାରେ ମିଳିପାରିବ ୭୬ ପ୍ରକାର ଡାକ୍ତରୀ ପରୀକ୍ଷା ସୁବିଧା ଶ୍ରମିକଙ୍କ ନିରାପତ୍ତା ପାଇଁ ସ୍ବତନ୍ତ୍ର ସୁରକ୍ଷା କିଟ୍:
ଜିଲ୍ଲାର ଖଣି ଖାଦାନ, କଳ କାରଖାନା, ନିର୍ମାଣ ଏବଂ ଅନ୍ୟ କ୍ଷେତ୍ରରେ କାମ କରୁଥିବା ଶ୍ରମିକଙ୍କ ନିରାପତ୍ତା ପାଇଁ ଏକ ସ୍ବତନ୍ତ୍ର କିଟ୍ ବ୍ୟବସ୍ଥା କରାଯାଇଛି। ଏହି କିଟ୍ରେ ଜୋତା ଏବଂ ମୋଜା, ଚଷମା, ହେଲମେଟ୍, ନାଇଲନ୍ ଏବଂ ରବରରେ ତିଆରି ହ୍ୟାଣ୍ଡ୍ଗ୍ଲୋଭ୍ସ୍, ଗମ୍ ବୁଟ୍, କାନକୁ ସୁରକ୍ଷିତ ରଖିବା ପାଇଁ ଇୟର ପ୍ଲଗ୍, ଧୂଳି ଓ ଧୂଆଁରୁ ସୁରକ୍ଷା ଦେବା ପାଇଁ ସ୍ବତନ୍ତ୍ର ମାସ୍କ, ସେଫ୍ଟି ହାର୍ନେସ୍ ଓ ଜ୍ୟାକେଟ୍ ସହ ଅନ୍ୟ ଅତ୍ୟାବଶ୍ୟକ ସାମଗ୍ରୀ ରହିଛି। ପ୍ରଥମ ପର୍ଯ୍ୟାୟରେ ଜିଲ୍ଲାର ୧୫ ହଜାରରୁ ଅଧିକ ଶ୍ରମିକଙ୍କୁ ମାଗଣାରେ ଏହି ସୁରକ୍ଷା କିଟ୍ ପ୍ରଦାନ କରାଯିବ। ଆଜି କାର୍ଯ୍ୟକ୍ରମରେ ୧୦ ଜଣ ଶ୍ରମିକଙ୍କୁ ସୁରକ୍ଷା କିଟ୍ ଏବଂ ଲାଠିକଟା ଓ ଲହୁଣୀପଡ଼ାର ୨ଜଣ ବୋଟ୍ମ୍ୟାନ୍ଙ୍କୁ ଲାଇଫ୍ ଜ୍ୟାକେଟ୍ ପ୍ରଦାନ କରାଯାଇଛି।
ସ୍ବତନ୍ତ୍ର ପୋଷଣ କାର୍ଯ୍ୟକ୍ରମକୁ ବର୍ଷେ ପୂରିଲା:
ସୁନ୍ଦରଗଡ଼ ଜିଲ୍ଲାରେ ଶିଶୁଙ୍କ ପୁଷ୍ଟି ସାଧନ ପାଇଁ ଚାଲିଥିବା ସ୍ପିରୁଲିନା ଚିକି ଓ ଚିନି ଏବଂ ମାଣ୍ଡିଆ ଲଡୁ ମିକ୍ସ ବଣ୍ଟନ କାର୍ଯ୍ୟକ୍ରମକୁ ଏକ ବର୍ଷ ପୂରିଛି। ଏହି ପୋଷଣ କାର୍ଯ୍ୟକ୍ରମରେ ସମସ୍ତ ଅଙ୍ଗନବାଡ଼ି କେନ୍ଦ୍ର ଜରିଆରେ ୭ ମାସରୁ ୨ ବର୍ଷର ଶିଶୁଙ୍କୁ ସ୍ପିରୁଲିନା ଚିନି ଏବଂ ୨ରୁ ୬ ବର୍ଷର ପିଲାଙ୍କୁ ସ୍ପିରୁଲିନା ଚିକି ଖାଇବାକୁ ଦିଆଯାଉଛି। ସ୍ପିରୁଲିନା ମାଧ୍ୟମରେ ଜିଲ୍ଲାର ୧ ଲକ୍ଷ ୪୨ ହଜାରରୁ ଅଧିକ ଶିଶୁ ଏବଂ ମାଣ୍ଡିଆ ଲଡୁ ଦ୍ବାରା ୬୩ ହଜାରରୁ ଅଧିକ ଶିଶୁଙ୍କ ପୁଷ୍ଟି ସାଧନ ପାଇଁ କାର୍ଯ୍ୟକ୍ରମ ଜାରି ରହିଛି।
କର୍ଣ୍ଣାଟକସ୍ଥିତ ସ୍ପିରୁଲିନା ଫାଉଣ୍ଡେସନର ଅଧ୍ୟକ୍ଷ ମହେଶ ଆର୍.ଭି. ରବିବାର ଦିନ ଏହି କାର୍ଯ୍ୟକ୍ରମରେ ଯୋଗଦେଇ ସ୍ପିରୁଲିନାର ପ୍ରସାର ପାଇଁ ସୁନ୍ଦରଗଡ଼ ଜିଲ୍ଲାପାଳଙ୍କ ଉଦ୍ୟମର ପ୍ରଶଂସା କରିଛନ୍ତି। ଶିଶୁଙ୍କ ଶାରୀରିକ ବିକାଶ ସହ ମାନସିକ ଓ ବୌଦ୍ଧିକ ଅଭିବୃଦ୍ଧି ପାଇଁ ଏହା ଅତ୍ୟନ୍ତ ଉପାଦେୟ ବୋଲି ସେ କହିଥିଲେ। ବର୍ତ୍ତମାନ ବାହାର ରାଜ୍ୟରୁ ସ୍ପିରୁଲିନା ଚିକି ଓ ଚିନି ଅଣାଯାଉଛି। ତେବେ ଜିଲ୍ଲାରେ ମିଶନ ଶକ୍ତିର ମା’ମାନଙ୍କ ଦ୍ବାରା ସ୍ପିରୁଲିନା ଚିକି ପ୍ରସ୍ତୁତ କରାଯିବ। ଏଥିପାଇଁ ସୁନ୍ଦରଗଡ଼ ସଦର ବ୍ଲକରେ କରାଯାଇଥିବା ଚିକି ପ୍ରସ୍ତୁତି ୟୁନିଟ୍ରେ ଏସ୍ଏଚ୍ଜି ମହିଳାମାନଙ୍କୁ ତାଲିମ୍ ଦିଆଯାଉଛି। ଏହି ସବୁ କାର୍ଯ୍ୟକ୍ରମ ପାଇଁ ଜିଲ୍ଲା ଖଣିଜ ପ୍ରତିଷ୍ଠାନ (DMF) ପକ୍ଷରୁ ଆର୍ଥିକ ସହାୟତା ଯୋଗାଇ ଦିଆଯାଉଛି।
ଏହି ଅବସରରେ ମାଣ୍ଡିଆରୁ ପ୍ରସ୍ତୁତ ବିଭିନ୍ନ ସୁଆଦିଆ ଖାଦ୍ୟ ପ୍ରଦର୍ଶନୀକୁ ଜିଲ୍ଲାପାଳ ଓ ଅନ୍ୟ ଅଧିକାରୀମାନେ ବୁଲି ଦେଖିଥିଲେ। ସେହିପରି ପୋଷଣ କାର୍ଯ୍ୟକ୍ରମରେ ଉଲ୍ଲେଖନୀୟ ଭୂମିକା ପାଇଁ ବିଭିନ୍ନ ସ୍ବଂୟ ସହାୟିକା ଗୋଷ୍ଠୀର ମା’ମାନଙ୍କୁ ସମ୍ମାନିତ କରାଯାଇଥିଲା। ଟାଙ୍ଗରପାଲି ବ୍ଲକ୍ରୁ ଆସିଥିବା ୪ ଜଣ ଅଙ୍ଗନବାଡ଼ି ଶିଶୁ ଗୀତ ଓ ନୃତ୍ୟ ମାଧ୍ୟମରେ ମାଣ୍ଡିଆ ଲଡୁ ଓ ସ୍ପିରୁଲିନାର ଉପକାରିତାର ବାର୍ତ୍ତା ଦେଇଥିଲେ। କାର୍ଯ୍ୟକ୍ରମରେ ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ଭୈରବ ସିଂ ପଟେଲ, ଜିଲ୍ଲା ମୁଖ୍ୟ ଚିକିତ୍ସାଧିକାରୀ ଡାକ୍ତର ସରୋଜ କୁମାର ମିଶ୍ର, ଜିଲ୍ଲା ମୁଖ୍ୟ କୃଷି ଅଧିକାରୀ ରାମଚନ୍ଦ୍ର ନାୟକ, ଜିଲ୍ଲା ସମାଜ ମଙ୍ଗଳ ଅଧିକାରୀ ପ୍ରବାସିନୀ ଚକ୍ର ଏବଂ DMF ର ଅଧିକାରୀମାନେ ଉପସ୍ଥିତ ଥିଲେ
ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ
