ରାଉରକେଲା:ଭିନ୍ନକ୍ଷମ ହୋଇ ବି ସକ୍ଷମ । ଦୀପାବଳି ପାଇଁ ଦୀପ ତିଆରି କରି ଆତ୍ମନିର୍ଭରଶୀଳ ହେଉଛନ୍ତି ଦିବ୍ୟାଙ୍ଗ ଛାତ୍ରଛାତ୍ରୀ । ଇସ୍ପାତ ସହର ରାଉରକେଲାର ଛେଣ୍ଡରେ ଥିବା ଆଶାଦୀପ ଭିନ୍ନକ୍ଷମ ବିଦ୍ୟାଳୟର ଛାତ୍ରଛାତ୍ରୀ ଦୀପାବଳି ପାଇଁ ବିଭିନ୍ନ ପ୍ରକାର ରଙ୍ଗ ବେରଙ୍ଗର ଦୀପ ଓ ବିଭିନ୍ନ ସାମଗ୍ରୀ ତିଆରି କରି ଉଦାହରଣ ପାଲଟିଛନ୍ତି । ଏହି ଭିନ୍ନକ୍ଷମ ପିଲାମାନେ ନିଜ ହାତରେ ଆକର୍ଷଣୀୟ ଦୀପ, ଧୂପ ଏବଂ କ୍ୟାଣ୍ଡେଲ ତିଆରି କରୁଛନ୍ତି । ଯାହା ସେମାନଙ୍କୁ ସ୍ବାବଲମ୍ବୀ କରିଛି । ରାତି ପାହିଲେ ଆଲୋକର ପର୍ବ ଦୀପାବଳି ପାଳନ ହେବାକୁ ଥିବାବେଳେ ଏହାକୁ ନେଇ ଚଳଚଞ୍ଚଳ ହୋଇ ଉଠିଛିରାଉରକେଲା ସହର ।
ସହରର ଛେଣ୍ଡରେ ଥିବା ଆଶାଦୀପ ଭିନ୍ନକ୍ଷମ ବିଦ୍ୟାଳୟରେ ଛାତ୍ରଛାତ୍ରୀ ତିଆରି କରୁଛନ୍ତି ସୁନ୍ଦର ସୁନ୍ଦର ଦୀପ, ଧୂପ ଏବଂ କ୍ୟାଣ୍ଡେଲ । ଏହି ଦୀପ ଓ କ୍ୟାଣ୍ଡେଲ କୌଣସି ସାଧାରଣ ସାମଗ୍ରୀ ନୁହେଁ ଏହା ହେଉଛି ଭିନ୍ନକ୍ଷମମାନଙ୍କ ଦ୍ୱାରା ସ୍ନେହରେ ଓ ଦୃଢ଼ ଇଚ୍ଛାଶକ୍ତି ବଳରେ ତିଆରି କରାଯାଇଥିବା ସାମଗ୍ରୀ । ରଙ୍ଗ ବେରଙ୍ଗର ଆକର୍ଷଣୀୟ ଦୀପ ବନାଉଛନ୍ତି ଏହି ଭିନ୍ନକ୍ଷମ ପିଲାମାନେ । ଏହା ପ୍ରମାଣ କରିଦେଉଛି ଯେ, ସେମାନେ ହୁଏତ ଭିନ୍ନକ୍ଷମ ହୋଇପାରନ୍ତି କିନ୍ତୁ ଅକ୍ଷମ ନୁହନ୍ତି ।
ଏହାମଧ୍ୟ ପଢନ୍ତୁ:ଦୀପାବଳି ପାଇଁ ସ୍ୱୟଂ ସହାୟକ ମହିଳା ତିଆରି କଲେ ରଙ୍ଗୀନ ଫ୍ୟାନ୍ସୀ ଦୀପ