ଯୁବକଙ୍କ ଖଣ୍ଡବିଖଣ୍ଡିତ ଗଳିତ ମୃତଦେହ ଜବତ, ହତ୍ୟା ସନ୍ଦେହ

ସୁନ୍ଦରଗଡ ଜିଲ୍ଲା କରମଡିହି- ସବଡେଗା ରାସ୍ତାକଡରୁ ଉଦ୍ଧାର ହେଲା ଯୁବକଙ୍କ ଖଣ୍ଡବିଖଣ୍ଡିତ ମୃତଦେହ । ହତ୍ୟା ସନ୍ଦେହରେ ତଦନ୍ତ ଆରମ୍ଭ କରିଛି ପୋଲିସ । ଅଧିକ ପଢନ୍ତୁ...

ସୁନ୍ଦରଗଡ: ସଦର ଥାନା ପୋଲିସ ଦ୍ୱାରା କରମଡିହି- ସବଡେଗା ରାସ୍ତା (କରମଡିହି) କଡରୁ ଜଣେ ଯୁବକଙ୍କ ଖଣ୍ଡ ବିଖଣ୍ଡିତ ଗଳିତ ମୃତଦେହ ଉଦ୍ଧାର ହୋଇଛି । ଯୁବକଙ୍କୁ ଜଣେ କିମ୍ବା ଏକାଧିକ ଦୁର୍ବୃତ୍ତ ସଂଘବଦ୍ଧ ଭାବେ ହତ୍ୟା କରି ଥାଇପାରନ୍ତି ବୋଲି ପୋଲିସ ସନ୍ଦେହ କରିଛି । ଆଜି ଅପରାହ୍ନ ପ୍ରାୟ 4 ଟା ସମୟରେ ଏହି ଘଟଣା ଲୋକ ଲୋଚନକୁ ଆସିବା ପରେ ପୋଲିସକୁ ସୂଚନା ମିଳିଥିଲା । ପରେ ପୋଲିସ ପହଞ୍ଚି ମୃତଦେହ ଜବତ କରିଛି ।

ଯୁବକଙ୍କ ଖଣ୍ଡବିଖଣ୍ଡିତ ଗଳିତ ମୃତଦେହ ଜବତ, ହତ୍ୟା ସନ୍ଦେହ

କରମଡିହି ଗାଁର କେହି ଜଣେ ସ୍ଥାନୀୟ ବାସିନ୍ଦା ରାସ୍ତା କଡରେ ଦୁର୍ଗନ୍ଧ ହେବା ସହ କେତେ ଖଣ୍ଡ ହାଡ ପଡିଥିବା ଦେଖିବାକୁ ପାଇଥିଲେ । ପରେ ପୋଲିସକୁ ସୂଚନା ଦିଆଯାଇଥିଲା । ପୋଲିସ ଘଟଣାସ୍ଥଳରେ ପହଞ୍ଚି ଗଳିତ ମୃତଦେହକୁ ଉଦ୍ଧାର କରି ବ୍ୟବଛେଦ ପାଇଁ ସୁନ୍ଦରଗଡ ମର୍ଗ ହାଉସକୁ ପଠାଇଛି । ତେବେ ମୃତକଙ୍କ ପରିଚୟ ଏପର୍ଯ୍ୟନ୍ତ ମିଳି ପାରିନାହିଁ । ଘଟଣା ଅତି କମରେ 15 ଦିନ ପୂର୍ବରୁ ହୋଇଥାଇପାରେ ବୋଲି ପାରିପାର୍ଶିକ ସ୍ଥିତିରୁ ଅନୁମାନ କରିଛି ପୋଲିସ । ହତ୍ୟାକାରୀମାନେ ହତ୍ୟା କରିବା ପରେ ରାସ୍ତା କଡରେ ମାଟି ଓ ପଥର ଦେଇ ପୋତି ଦେଇଥିଲେ । ତେବେ ଗତକାଲି ଓ ଆଜି ପ୍ରବଳ ବର୍ଷା ଯୋଗୁଁ କଙ୍କାଳ ଧୋଇ ହୋଇଯିବାରୁ ଲୋକଙ୍କ ନଜରକୁ ଆସିଥିବା ଜଣାପଡିଛି । ସମ୍ପୃକ୍ତ ମାମଲାରେ ପୋଲିସ ଏକ ମାମଲା ରୁଜ୍ଜୁ କରି ତଦନ୍ତ ଚଳାଇଛି ।

ସୁନ୍ଦରଗଡରୁ ହରିହର ଦାସ ମହାପାତ୍ର, ଇଟିଭି ଭାରତ