ରାଉରକେଲା: ପୁରୀ ରଥଯାତ୍ରାକୁ ବେପାର କହିଥିବା ଇସ୍କନ କର୍ମକର୍ତ୍ତା ଅମିତ ଗର୍ଗଙ୍କ ଉପରେ ତାତିଲେ ଲୋକେ । ତାଙ୍କ ବିବାଦୀୟ ମନ୍ତବ୍ୟକୁ ନେଇ ରାଉରକେଲା ସହରରେ ଏହାର ପ୍ରତିକ୍ରିୟା ଦେଖିବାକୁ ମିଳିଛି । ଏନେଇ ରାଉରକେଲା ସାମାଜିକ ଅନୁଷ୍ଠାନ ଛେଣ୍ଡ ଥାନାରେ ଗର୍ଗଙ୍କ ବିରୋଧରେ ଲିଖିତ ଅଭିଯୋଗ କରିଥିବା ଜଣାପଡିଛି ।
ଲୁଧିଆନାରେ ଅଦିନିଆ ରଥଯାତ୍ରା ଆୟୋଜନରେ ଯୋଗଦେଇ ଗର୍ଗ ପୁରୀରେ ରଥଯାତ୍ରା ନାଁ ରେ ବେପାର ଚାଲୁଛି ବୋଲି ମନ୍ତବ୍ୟ ଦେଇଥିଲେ । ତେବେ ଏହା ସାରା ଜଗନ୍ନାଥ ସଂସ୍କୃତିକୁ ମର୍ମାହତ କରୁଛି । ଓଡିଶାର ସମସ୍ତ ଜନତାଙ୍କ ଭାବାବେଗ ଏଥିରେ ମର୍ମାହତ ହବା ସହ ବିଶ୍ଵ ପ୍ରସିଦ୍ଧ ଜଗତର ନାଥ ଜଗନ୍ନାଥଙ୍କ ପ୍ରତି ଏହା ଅପମାନ ବୋଲି ଦାବି କରିଛି ରାଉରକେଲାର ସାମାଜିକ ଅନୁଷ୍ଠାନ । ଏହି ସଂଗଠନ ତରଫରୁ ଲିଖିତ ଅଭିଯୋଗ ଆଣିବା ସହ ତାଙ୍କୁ ତୁରନ୍ତ ଗିରଫ କରିବା ପାଇଁ ଦାବି କରିଥିବା ଜଣାପଡିଛି ।
ରାଉରକେଲାରୁ ରାଜେନ୍ଦ୍ରନାଥ ମିଶ୍ର, ଇଟିଭି ଭାରତ