ସୁନ୍ଦରଗଡ: ନାବାଳିକା ସହ ବିବାହକୁ ଭଣ୍ଡୁର କଲା ପୋଲିସ । ନାବାଳିକାକୁ ଉଦ୍ଧାର କରିବାସହ ଅଭିଯୁକ୍ତ ରାଜସ୍ଥାନୀ ଯୁବକକୁ ଥାନାକୁ ନେଲା । ଗତକାଲି ଏପରି ଏକ ଘଟଣା ସୁନ୍ଦରଗଡ ଏସପିଙ୍କ ନଜରକୁ ଆସିବାପରେ ଏହି କୁସଂସ୍କାରରେ ଲୀନ ହେବାକୁ ଯାଉଥିବା ଜଣେ ନାବାଳିକାକୁ ମୁକ୍ତ କରିଛନ୍ତି ସୁନ୍ଦରଗଡ ଏସପି ।
ବିବାହବେଦୀରୁ ବରକୁ ଉଠେଇ ନେଲା ପୋଲିସ
ସୂଚନାଥାଉକୁ ଗତକାଲି ବୀରମିତ୍ରପୁର ଥାନା ଅଧୀନ କୁଆଁରମୁଣ୍ଡା ଫାଣ୍ଡି ଅଞ୍ଚଳରେ ଏହି କୁସଂସ୍କାର ଘଟୁଥିଲା । ବୀରମିତ୍ରପୁର ଏସଡିପିଓଙ୍କ ନଜରକୁ ଘଟଣା ଆସିବା ପରେ ସେ ତୁରନ୍ତ ଏସପିଙ୍କ ଦୃଷ୍ଟିକୁ ଆଣିଥିଲେ । କୁଆଁରମୁଣ୍ଡା ଅଞ୍ଚଳର ଜଣେ 16 ବର୍ଷୀୟା ନାବାଳିକା ସହ ରାଜସ୍ଥାନର ଜଣେ 27 ବର୍ଷ ବୟସ୍କ ଯୁବକ ସଙ୍ଗେ ବିବାହ ହେଉଥିବା ଜଣା ପଡିଥିଲା ।