ସୁନ୍ଦରଗଡ: ଜିଲ୍ଲା ସର୍ଗିପାଲି ଲହଣ୍ଡା କୁଦର ଇଟାଭାଟିରେ ଶ୍ରମିକଙ୍କୁ ହତ୍ୟା ଘଟଣାର ଅଭିଯୁକ୍ତ ଗିରଫ । ଗତକାଲି(ଗୁରୁବାର) ରାତିରେ ଘଟିଥିଲା ଏହି ହତ୍ୟାକାଣ୍ଡ । ଇଟାଭାଟିର ଜଣେ ଶ୍ରମିକ ସାମାନ୍ୟ ବଚସାକୁ ନେଇ ଅନ୍ୟଜଣେ ଶ୍ରମିକକୁ କରିଥିଲା ହତ୍ୟା ।
ସୂଚନା ଅନୁଯାୟୀ, ଲହଣ୍ଡା କୁଦର(ଦିଆମୁଣ୍ଡା) ଇଟାଭାଟିରେ ଛତିଶଗଡ଼ ଅଞ୍ଚଳର ଦମ୍ପତି ରାମରତି ଓ ଚିନମତି ଇଟାଭାଟିରେ କାମ କରୁଥିଲେ । ସେଠାରେ ଶୁକ୍ରୁ ନାଏକ ନାମକ ଜଣେ ବ୍ୟକ୍ତି ମଧ୍ୟ କାମ କରୁଥିଲେ । ତେବେ ଗତକାଲି ରାତିରେ ଏକ ସାମାନ୍ୟ ଘଟଣାକୁ ନେଇ ଉଭୟଙ୍କ ମଧ୍ୟରେ ବଚସା ହୋଇଥିଲା । ଫଳରେ ଶୁକ୍ରୁ ଉତ୍ୟକ୍ତ ହୋଇ ରାମରତିଙ୍କ ଗଳାକୁ କୋଦାଳରେ ହାଣି ଦେଇଥିଲେ । ଏହି ସମୟରେ ଚିନମତି ଅଟକାଇବାକୁ ଆସି ଆକ୍ରମଣର ମଧ୍ୟ ଶିକାର ହୋଇଥିଲେ ।