ଡମ୍ପର ଭିତରେ ପଶିଗଲା ବାଇକ, 3 ଗୁରୁତର

ରାଉରକେଲାରେ ବାଇକ ଡମ୍ପର ମୁହାଁମୁହିଁ ଧକ୍କା । ତିନି ଗୁରୁତର ହସ୍ପିଟାଲରେ ଭର୍ତ୍ତି । ପୋଲିସର ତଦନ୍ତ ଜାରି । ଅଧିକ ପଢ଼ନ୍ତୁ...

ରାଉରକେଲା: ଶନିବାର ସହରର ଫଟିଲାଇଜର ଜଲଦା ନିକଟରେ ସଡକ ଦୁର୍ଘଟଣା ଘଟି 3 ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଆହତଙ୍କୁ ରାଉରକେଲା ସରକାରୀ ହସ୍ପିଟାଲରେ ଭର୍ତ୍ତି କରାଯାଇଛି।

ସୂଚନା ଅନୁଯାଇ ଦୁଇଟି ବାଇକ ମୁହାଁମୁହିଁ ଧକ୍କା ହୋଇ ଡମ୍ପର ଭିତରେ ଗୋଟିଏ ବାଇକ ପଶିଯାଇଥିଲା ଯାହାଫଳରେ 3 ଜଣ ଗୁରୁତର ଆହତ ହୋଇଛନ୍ତି । ତେବେ ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଡାକ୍ତରଖାନା ନେଇଯାଇଥିଲେ। ଦୁର୍ଘଟଣା ପରେ ଅନେକ ସମୟ ଧରି ଘଟଣାସ୍ଥଳରେ ଲୋକଙ୍କ ଭିଡ ଜମି ରହିଥିଲା ।

ଖବର ପାଇ ପୋଲିସ ଘଟଣାସ୍ଥଳରେ ପହଁଞ୍ଚି ବାଇକ ଓ ଡମ୍ପର ଜବତ କରିବା ସହ ଘଟଣାର ତଦନ୍ତ ଜାରି ରଖିଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ