ଗଜପତି: ଭାରସାମ୍ୟ ହରାଇ ଘାଟିରେ ଓଲଟିଲା ଯାତ୍ରୀବାହୀ ଭ୍ୟାନ । ଏଭଳି ମର୍ମନ୍ତୁଦ ଘଟଣା ଦେଖିବାକୁ ମିଳିଛି ଗଜପତି ଜିଲ୍ଲା ଆର.ଉଦୟଗିରି ଥାନା ଅଧିନ ଗୁଆର ଗାଁ ନିକଟସ୍ଥ ଘାଟିରେ ଘଟିଛି ଏହି ଅଘଟଣ ।
ଫଳରେ ଘଟଣାସ୍ଥଳରେ ଜଣେ ମୃତ୍ୟୁବରଣ କରିଥିବାବେଳେ ୮ ଗୁରୁତର ହୋଇ ହସ୍ପିଟାଲରେ ଚିକିତ୍ସାଧିନ ଅଛନ୍ତି । ସୂଚନାନୁସାରେ ଆଜି (ମଙ୍ଗଳବାର) ରେବିଡ଼ି ଗାଁର ପ୍ରାୟ ୨୦ ଯାତ୍ରୀଙ୍କୁ ନେଇ ଭ୍ୟାନଟି ନୂଆଗଡ଼ ସାପ୍ତାହିକ ହାଟକୁ ଯାଉଥିବାବେଳେ ଘାଟିରେ ଭାରସାମ୍ୟ ହରାଇ ଡାହାଣ ପଟକୁ ପ୍ରାୟ ୧୫ ଫୁଟ ତଳକୁ ଖସି ପଡ଼ିଥିବା ଜଣାପଡିଛି । ତେବେ ଏହି ଘଟଣାରେ ସ୍ଥାନୀୟ ଲୋକେ ଆହତଙ୍କୁ ଉଦ୍ଧାର କରି ଖଜୁରୀପଦା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥିଲେ ।
ଗୁଆର ଘାଟିରେ ଓଲଟିଲା ଭ୍ୟାନ: ଜଣେ ମୃତ, ୮ ଗୁରୁତର