ରାଉରକେଲା: 1947 ମସିହାରେ ଭାରତ ବିଭାଜନ ହେଲା । ଭାରତ ଓ ପାକିସ୍ତାନ ଦୁଇଟି ସ୍ବାଧୀନ ରାଷ୍ଟ୍ରରେ ପରିଣତ ହେଲେ । ତେବେ ବିଭାଜନ ପରେ ପାକିସ୍ତାନରେ ରହୁଥିବା ବିଭିନ୍ନ ଧର୍ମର ଲୋକ(ମୁସଲମାନ ସମ୍ପ୍ରଦାୟ ବ୍ୟତୀତ) ଭାରତକୁ ପଳାଇ ଆସିଥିଲେ । ଯାହାଙ୍କୁ ଭାରତର ବିଭିନ୍ନ ଅଞ୍ଚଳରେ ଥଇଥାନ କରାଯାଇଛି ।
ଭିଡିଓ ସୌଜନ୍ୟ: ସମ୍ବାଦଦାତା, ରାଉରକେଲା ସେମାନଙ୍କ ମଧ୍ୟରୁ 681 ଜଣଙ୍କୁ ସୁନ୍ଦରଗଡ ଜିଲ୍ଲାର ବିଭିନ୍ନ ସ୍ଥାନରେ ଥଇଥାନ କରାଯାଇଛି । ଯାହା ସରକାରୀ ଦସ୍ତାବିଜ୍ରେ ପ୍ରକାଶ ପାଇଛି । ତେବେ ଏମାନଙ୍କ ମଧ୍ୟରୁ 367 ଜଣ ପୁରୁଷ ଥିବାବେଳେ 314 ଜଣ ମହିଳା ଥିଲେ ।
681 ଜଣଙ୍କ ମଧ୍ୟରୁ ପଶ୍ଚିମ ପାକିସ୍ତାନର 86 ଜଣ ଓ ପୂର୍ବ ପାକିସ୍ତାନ(ଏବେର ବାଙ୍ଗଲାଦେଶ)ର 595 ଜଣ ରହିଛନ୍ତି । ତେବେ ପଶ୍ଚିମ ପାକିସ୍ତାନରୁ ଆସିଥିବା ଲୋକଙ୍କ ମଧ୍ୟରୁ 55 ପୁରୁଷ ଥିବାବେଳେ 31 ଜଣ ମହିଳା ଓ ପୂର୍ବ ପାକିସ୍ତାନରୁ ଆସିଥିବା ଲୋକଙ୍କ ମଧ୍ୟରୁ 312 ଜଣ ପୁରୁଷ ଓ 283 ଜଣ ମହିଳା ରହିଥିବା ଦସ୍ତାବିଜରୁ ଜଣାପଡିଛି ।
ଏଠାରେ ଏମାନଙ୍କୁ ଥଇଥାନ କରାଯିବା ସହ ବିଭିନ୍ନ ସୁବିଧା ସୁଯୋଗ ପ୍ରଦାନ କରାଯାଇଥିବା ଦସ୍ତାବିଜରେ ଉଲ୍ଲେଖ ରହିଛି । ସୂଚନାଥାଉକି, ଏମାନେ 1946 ରୁ 1951 ମସିହା ମଧ୍ୟରେ ଭାରତକୁ ଆସିଥିଲେ ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
