ରାଉରକେଲା: ସୁନ୍ଦରଗଡରେ ଆଉ 60 କୋରୋନା ପଜିଟିଭି ଚିହ୍ନଟ । ଜିଲ୍ଲାରେ କୋରୋନାର ଭୟାବହତା ସହରଠୁ ଗାଁ ମଧ୍ୟରେ ଦେଖିବାକୁ ମିଳୁଛି । ରାଉରକେଲାରେ କୋରୋନାର ଆକ୍ରାନ୍ତଙ୍କ ସଂଖ୍ୟା ବୃଦ୍ଧି ପାଉଥିବାରୁ ଜିଲ୍ଲା ପ୍ରଶାସନ 31 ଜୁଲାଇ ପର୍ଯ୍ୟନ୍ତ ଲକଡାଉନ ଘୋଷଣା କରିଛନ୍ତି ।
ସୁନ୍ଦରଗଡ ଜିଲ୍ଲାରେ କୋରୋନା ସଂକ୍ରମଣ ରୋକିବାକୁ ଜିଲ୍ଲା ପ୍ରଶାସନ ପକ୍ଷରୁ ଜୋରଦାର ପ୍ରୟାସ କରାଯାଉଛି । ଜିଲ୍ଲା ପ୍ରଶାସନ ପକ୍ଷରୁ ଲୋକଙ୍କୁ ସରକାରଙ୍କ କୋଭିଡ ଗାଇଡଲାଇନ ପାଳନ କରିବା ପାଇଁ ନିର୍ଦ୍ଦେଶ ଦେଇଛନ୍ତି । ଏହା ସହ ଲୋକଙ୍କୁ ସାମାଜିକ ଦୂରତ୍ବ, ମାସ୍କ, ସାନିଟାଇଜ ବ୍ୟବହାର ପାଇଁ ସଚେତନା ସୃଷ୍ଟି କରାଯାଉଛି । ରାଉରକେଲା ସହର ମଧ୍ୟରେ ପ୍ରବଳ ଭିଡ ତଥା ଗାଡି ଚାଲିବା ପ୍ରଶାସନ ପାଇଁ ଚିନ୍ତାର କାରଣ ପାଲଟିଛି। ବର୍ତ୍ତମାନ ପର୍ଯ୍ୟନ୍ତ ସୁନ୍ଦରଗଡ ଜିଲ୍ଲାରେ 917 କୋରୋନା ପଜିଟିଭ ଚିହ୍ନଟ ହୋଇଥିବାବେଳେ 727 ଜଣ ସୁସ୍ଥ ହୋଇଛନ୍ତି । 185 ଜଣ ବର୍ତ୍ତମାନ କୋଭିଡ ହସପିଟାଲରେ ଚିକିତ୍ସାଧୀନ ଅବସ୍ଥାରେ ରହିଛନ୍ତି ଏବଂ ଜିଲ୍ଲାରେ 2 ଜଣ ମୃତ୍ୟୁବରଣ କରିଛନ୍ତି ।