ରାଉରକେଲା: ରାଜ୍ୟରେ ଚରମ ସୀମାରେ ପହଞ୍ଚିଛି ନାବାଳିକା ଦୁଷ୍କର୍ମ ଘଟଣା। ଯେତେ ଆଇନ ହେଲେ ବି ଅପରାଧକୁ ଫୁ କରି ଏଭଳି ଜଘନ୍ୟ କାଣ୍ଡ ଭିଆଇ ଚାଲିଛନ୍ତି ଦୁର୍ବୃତ୍ତ । ଏହି କ୍ରମରେ 3 ଦିନ ମଧ୍ୟରେ ସହରରେ 3 ନାବାଳିକାଙ୍କ ସହିତ ଦୁଷ୍କର୍ମ ହୋଇଥିବା ଘଟଣା ସାମ୍ନାକୁ ଆସିଛି।
ଭିଡିଓ ସୌଜନ୍ୟ- ସମ୍ବାଦଦାତା, ରାଉରକେଲା
ତେବେ ଏଭଳି ଘଟଣା ସୁନ୍ଦରଗଡ ପୋଲିସ ପାଇଁ ଏକ ବଡ ଚ୍ୟାଳେଞ୍ଜ ସୃଷ୍ଟି କରିଛି । ରାଜଗାଙ୍ଗପୁର ଥାନା ଅଞ୍ଚଳରେ ନାବାଳିକାକୁ ଦୁଷ୍କର୍ମ ଘଟଣାରେ ଜଣକୁ ଗିରଫ କରାଯାଇଥିବା ବେଳେ ହିମଗିରି ଥାନା ଅଞ୍ଚଳରୁ ନିଖୋଜ ଏକ ନାବଳିକାର ଉଲଗ୍ନ ମୃତଦେହ ଗୋପାଳପୁର ଜଙ୍ଗଲରୁ ମିଳିଛି । ଏହି ଘଟଣା ଦୁଷ୍କର୍ମ ପରେ ହତ୍ୟା କରାଯାଇଥିବା ସନ୍ଦେହ କରାଯାଉଛି । ଅନ୍ୟପଟେ ବିରମିତ୍ରପୁର ଥାନାର କୁଆରମୁଣ୍ଡା ଫାଣ୍ଡି ଅଞ୍ଚଳରେ ଏକ ନାବାଳିକାକୁ 10 ଜଣ ଦୁଷ୍କର୍ମ କରିଥିଲେ। ଦୁଷ୍କର୍ମର ଭିଡିଓ ତିଆରି କରିଥିବା ଯୁବକ ମାନେ ନାବାଳିକା ବାପାକୁ ମାରିଦେବାକୁ ଧମକ ମଧ୍ୟ ଦେଇଥିଲେ ।