ସୁନ୍ଦରଗଡ଼: ସହରରେ ଲୁଟ କରି ଚାଞ୍ଚଲ୍ୟ ସୃଷ୍ଟି କରିଥିବା 2 ମୋବାଇଲ ଲୁଟେରାଙ୍କୁ ଟାଉନ ପୋଲିସ ଗିରଫ କରି କୋର୍ଟ ଚାଲାଣ କରିଛି । ଗିରଫ ସମୟରେ ସେମାନଙ୍କ ନିକଟରୁ 9ଟି ମୋବାଇଲ ଫୋନ ସହ ଲୁଟ କାର୍ଯ୍ୟରେ ବ୍ୟବହୃତ ହେଉଥିବା ଅନ୍ୟାନ୍ୟ ଜିନିଷ ପଦାର୍ଥକୁ ଜବତ କରାଯାଇଛି ।
ସୁନ୍ଦରଗଡ଼ରେ 2 ମୋବାଇଲ ଲୁଟେରା ଗିରଫ
ଗିରଫ ଅଭିଯୁକ୍ତମାନେ ହେଉଛନ୍ତି ଜିଲ୍ଲାର ରାଜଗାଙ୍ଗପୁର ଅଞ୍ଚଳର ଚିଣ୍ଟୁ ମସନ ଓ ଔଜୁର ଲୁଗୁନ ଓରଫ ରାହୁଲ । ତେବେ ଅଭିଯୁକ୍ତ ଚିଣ୍ଟୁର ଘର ରାଜଗାଙ୍ଗପୁର ଭଗତ ଟୋଲାରେ ହୋଇଥିବାବେଳେ ଔଜୁର ଘର ରାଜଗାଙ୍ଗପରୁର ସେମେଲପଡା ବୋଲି ଟାଉନ ପୋଲିସ କହିଛି । ଗିରଫ ସମୟରେ ସେମାନଙ୍କ ନିକଟରୁ 9ଟି ମୋବାଇଲ ସହିତ ଗୋଟିଏ ମୋଟର ସାଇକେଲ , ନଗଦ 2220 ଟଙ୍କା, ଗୋଟିଏ ଭ୍ୟାନିଟି ବ୍ୟାଗ, ପ୍ୟାନ କାର୍ଡ ଓ ଆଧାର କାର୍ଡ ସହ କେତେକ ଗୁରୁତ୍ୱପୂର୍ଣ୍ଣ କାଗଜ ଜବତ କରାଯାଇଛି ।