ସୁନ୍ଦରଗଡରେ ଆଉ 112 ନୂଆ କୋରୋନା ଆକ୍ରାନ୍ତ ଚିହ୍ନଟ

ଚିନ୍ତା ବଢାଉଛି କୋରୋନା ସଂକ୍ରମଣ । ଗୋଟିଏ ଦିନରେ ସାମ୍ନାକୁ ଆସିଲା 112 ନୂଆ କୋରୋନା ପଜିଟିଭ । ଅଧିକ ପଢନ୍ତୁ...

ରାଉରକେଲା: ସୁନ୍ଦରଗଡ ଜିଲ୍ଲାରେ ବୁଧବାର ଆଉ 112 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି । ଏହାକୁ ମିଶାଇ ଆକ୍ରାନ୍ତଙ୍କ ସଂଖ୍ୟା ମୋଟ 1224ରେ ପହଞ୍ଚିଛି। ଆକ୍ରାନ୍ତ 112 ଜଣଙ୍କ ମଧ୍ୟରେ ରାଉରକେଲା OSAP ଚତୁର୍ଥ ବାଟାଲିୟନ ସହ OSAP କଲୋନୀର 15 ଜଣ ଅଛନ୍ତି ।

ସୁନ୍ଦରଗଡରେ ଆଉ 112 ନୂଆ କୋରୋନା ଅକ୍ରାନ୍ତ ଚିହ୍ନଟ

ଅଧିକ ଟେଷ୍ଟ ଯୋଗୁ ଆକ୍ରାନ୍ତଙ୍କ ସଂଖ୍ୟା ବଢୁଥିବା ଜିଲ୍ଲା ପ୍ରଶାସନ ପକ୍ଷରୁ କୁହାଯାଉଥିଲେ ମଧ୍ୟ କୋରୋନା ଆକ୍ରାନ୍ତଙ୍କ ସଂଖ୍ୟାରେ ବୃଦ୍ଧି ଚିନ୍ତାର କାରଣ ପାଲଟିଛି । ଅନ୍ୟପଟେ ଆଜି(ବୁଧବାର) IGH ରେ ଉଦଘାଟନ ହେବାକୁ ଥିବା ପ୍ଲାଜମା ବ୍ୟାଙ୍କର ଉଦଘାଟନ କୌଣସି କାରଣରୁ ସ୍ଥଗିତ ରହିଛି।

ପୂର୍ବରୁ ରାଉରକେଲା ମହାନଗର ନିଗମରେ 5 ଜଣ କର୍ମଚାରୀ କୋରୋନା ଆକ୍ରାନ୍ତ ହେବା ପରେ ସାଧାରଣ ଲୋକଙ୍କ ଲାଗି କାର୍ଯ୍ୟାଳୟକୁ ଆସିବା ଉପରେ କଟକଣା ଜୁଲାଇ 31 ପର୍ଯ୍ୟନ୍ତ ଲାଗୁ କରାଯାଇଥିବାବେଳେ ଆଜି ପୁଣି ମ୍ୟୁନିସିପାଲିଟି କଲୋନୀରୁ 2 ଜଣ ଆକ୍ରାନ୍ତ ଚିହ୍ନଟ ହୋଇଛନ୍ତି ।

ବୃଦ୍ଧି ପାଉଥିବା ଆକ୍ରାନ୍ତଙ୍କ ଚିକିତ୍ସା ଲାଗି ବର୍ତ୍ତମାନ କୋଭିଡ ଚିକିତ୍ସା କେନ୍ଦ୍ରର ବେଡ ସଂଖ୍ୟାରେ ବୃଦ୍ଧି କରାଯାଉଛି ।

ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ