ସୁବର୍ଣ୍ଣପୁର: ମହଙ୍ଗା ପଡିଲା ନଦୀ ବ୍ରିଜରେ ଚଢି ସେଲଫି ନେବା । ସହରର ବିଜୁ ପଟ୍ଟନାୟକ ସେତୁରେ ଜଣେ ଯୁବକ ସେଲଫି ନେଉଥିବା ବେଳେ ମହାନଦୀରେ ପଡିଯାଇଛନ୍ତି । ଚିକିତ୍ସା ପାଇଁ ତାଙ୍କୁ ବୁର୍ଲା ବଡ ମେଡିକାଲରେ ଭର୍ତ୍ତି କରାଯାଇଛି ।
ସେଲଫି ହେଲା କାଳ
ତେବେ ଗୁରୁତର ଯୁବକ ହେଲେ 24 ବର୍ଷୀୟ ଜିତୁ ନାୟକ । ଆଜି(ଗୁରୁବାର) ଜିତୁ ତାଙ୍କ 2ଜଣ ସାଙ୍ଗଙ୍କ ସହ ସହରରୁ ହିକୁଡି ଆଡକୁ ଯାଉଥିବା ବେଳେ ମହାନଦୀ ପୋଲ ଉପରେ ଅଟକିଥିଲେ । ସେଠାରେ କିଛି ସମୟ କଥା ହେବା ପରେ ନିଜ ମୋବାଇଲରେ ସେଲଫି ନେଲେ । ଏହାପରେ ଜିତୁ ସେଲଫି ନେବା ପାଇଁ ବ୍ରିଜର ବାଡକୁ ଚଢିଥିଲେ । ହେଲେ ନିୟନ୍ତ୍ରଣ ହରାଇ ପୋଲ ତଳକୁ ପଡିଯାଇଥିଲେ ।