ସୁବର୍ଣ୍ଣପୁର: ଜିଲ୍ଲା ବୀରମହାରାଜପୁର ବ୍ଳକ ଖଣ୍ଡହତା ଗାଁ ପୋଖରୀରୁ ଏକ ଯୁବକଙ୍କ ମୃତଦେହ ଉଦ୍ଧାର କରାଯାଇଛି । ଗାଁର 28 ବର୍ଷିୟ ଯୁବକ ମାନସ ବାଘ ମଙ୍ଗଳବାର ଠାରୁ ନିଖୋଜ ଥିଲା । ପରିବାର ଲୋକେ ବହୁ ଖୋଜା ଖୋଜି ପରେ ପାଇ ନଥିଲେ । ତେବେ ବୁଧବାର ସକାଳେ ତାର ମୃତଦେହ ଗାଁ ପୋଖରୀରେ ଭାସୁଥିବା ଦେଖିବାକୁ ମିଳିଛି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଏହା ଦେଖି ଗାଁ ଲୋକେ ମୃତ ଯୁବକଙ୍କ ପରିବାରକୁ ଖବର ଦେଇଥିଲେ । ପରିବାର ଲୋକେ ଘଟଣାସ୍ଥଳରେ ପହଞ୍ଚି ପୋଖରୀ ହୁଡାରେ ପଡିଥିବା ଚପଲ ଓ ସାର୍ଟରୁ ପୋଖରୀ ଭିତରେ ଭାସୁଥିବା ଶବ ମାନସ ବାଘ ବୋଲି ନିଶ୍ଚିତ ହୋଇଥିଲେ । ପରେ ବୀରମହାରାଜପୁର ପୋଲିସ ଓ ଦମକଳ ବାହିନୀକୁ ଖବର ଦେଇଥିଲେ ।