ସୁବର୍ଣ୍ଣପୁର:ଟ୍ରାକ୍ଟର ତଳେ ଚାପି ହୋଇ ଯୁବକଙ୍କ ମୃତ୍ୟୁ । ଟ୍ରାକ୍ଟର ନେଇ ଯାଉଥିବା ବେଳେ ହଠାତ ଡ୍ରାଇଭର ସିଟରୁ ପଡ଼ି ଟ୍ରାକ୍ଟର ଚକରେ ଚାପି ହୋଇ ଜଣେ ଯୁବକଙ୍କ ମୃତ୍ୟୁ ଘଟିଛି। ବୌଦ୍ଧ ଜିଲ୍ଲା କଣ୍ଟାମାଳ ଥାନା ଅନ୍ତର୍ଗତ ଯାନିମୁଣ୍ଡା ଗାଁରେ ଏଭଳି ଅଘଟଣ ଦେଖିବାକୁ ମିଳିଛି।
ଘଟଣା ଅନୁଯାୟୀ, ବୌଦ୍ଧ ଜିଲ୍ଲା କଣ୍ଟାମାଲ ଥାନା ଅନ୍ତର୍ଗତ ଯାନିମୁଣ୍ଡା ଗାଁର ଜୟନ୍ତ କଲିତା ନିଜ ଗାଁରୁ ଟ୍ରାକ୍ଟର ନେଇ କୌଣସି ଏକ କାର୍ଯ୍ୟରେ ବାହାରିଥିଲେ । ହେଲେ ହଠାତ ଡ୍ରାଇଭର ସିଟରୁ ତଳକୁ ଯୁବକ ଜଣକ ଖସି ପଡ଼ିଥିଲେ। ଯାହା ଫଳରେ ଟ୍ରାକ୍ଟର ଚକରେ ଚାପି ହୋଇ ତାଙ୍କର ମୃତ୍ୟୁ ଘଟିଛି। ପରିବାର ଲୋକେ ଉକ୍ତ ଯୁବକଙ୍କୁ ସୁବର୍ଣ୍ଣପୁର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲେ । ତେବେ ଡାକ୍ତର ସେଠାରେ ତାଙ୍କୁ ମୃତ ଘୋଷଣା କରିଛନ୍ତି । ତେବେ ଏହି ମୃତ୍ୟୁ ଘଟଣାରେ କିଛି ତଥ୍ୟ ପରିବାର ଲୋକେ ଲୁଚାଉଥିବା ପୋଲିସ ଅନୁମାନ କରିଛି । ତେଣୁ ଏହି ଘଟଣାକୁ ନେଇ ତଦନ୍ତ ଜାରି ରଖିଛି ପୋଲିସ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ