ସୁବର୍ଣ୍ଣପୁର: ମଦଭାଟି ବନ୍ଦ ଦାବିରେ ଜିଲ୍ଲାପାଳଙ୍କ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି ମହିଳା । ସୁବର୍ଣ୍ଣପୁର ଜିଲ୍ଲା ତରଭା ବ୍ଲକ ମରାଡୁଗୁଛା ଗାଁର ଗୃହିଣୀ ମଦଭାଟି ବନ୍ଦ ପାଇଁ ଆନ୍ଦୋଳନ କରିଛନ୍ତି । ଆଇନଜୀବୀ ବଳଦେବ ବେଦବାକ ଓ ସ୍ବେଚ୍ଛାସେବୀ ଶ୍ରଦ୍ଧାଞ୍ଜଳି ମିଶ୍ରଙ୍କ ନେତୃତ୍ବରେ ମହିଳା ଏକ ଶୋଭାଯାତ୍ରାରେ ସହର ପରିକ୍ରମା କରିଥିଲେ ।
ଜିଲ୍ଲାପାଳଙ୍କ ସମ୍ନାରେ ବିଭିନ୍ନ ସ୍ଲୋଗାନ ଦେଇ ମରାଡୁଗୁଛା ଅଞ୍ଚଳରେ ବେଆଇନ ମଦ ବିକ୍ରି ବନ୍ଦ କରିବା ପାଇଁ ଦାବି କରିଥିଲେ । ଏହି ଅଞ୍ଚଳରେ ବ୍ୟାପକ ପରିମାଣରେ ବେଆଇନ ଭାବେ ମଦ ବିକ୍ରି ହେଉଥିବାରୁ ଏହାକୁ ରୋକିବା ପାଇଁ ଦାବି ହୋଇଛି । ପୂର୍ବରୁ ଅନେକ ଥର ଜିଲ୍ଲା ଅବକାରୀ ବିଭାଗକୁ ଲିଖିତ ଭାବେ ଜଣାଇଥିଲେ ହେଁ କୌଣସି କାର୍ଯ୍ୟାନୁଷ୍ଠାନ ନିଆନଯିବାରୁ ଶେଷରେ ବାଧ୍ୟ ହୋଇ ଆନ୍ଦୋଳନକୁ ଓହ୍ଲାଇଛନ୍ତି ମହିଳା ।
ମଦଭାଟି ବନ୍ଦ ଦାବିରେ ରାଜରାସ୍ତାରେ ଗୃହିଣୀ