ସୁବର୍ଣ୍ଣପୁର: ଓଡିଶା ରାଜ୍ୟ ମହିଳା ଓ ଶିଶୁ କଲ୍ୟାଣ ଏବଂ ମିଶନ ଶକ୍ତି ମନ୍ତ୍ରୀ ଟୁକୁନି ସାହୁ ଜିଲ୍ଲା ଗସ୍ତରେ ଆସି ଶିଶୁ ଓ ମହିଳା କଲ୍ୟାଣ ସଂପର୍କୀତ କାର୍ଯ୍ୟ ସମୀକ୍ଷା କରିଛନ୍ତି । ଜିଲ୍ଲାପାଳଙ୍କ ସମ୍ମିଳନୀ କକ୍ଷରେ ଅନୁଷ୍ଠିତ ବୈଠକରେ ଶିଶୁଙ୍କ ସ୍ବାସ୍ଥ୍ୟ, ଶିକ୍ଷା ଓ ଶିଶୁ କଲ୍ୟାଣ ସହ ମିଶନ ଶକ୍ତିକୁ ନେଇ ଜିଲ୍ଲାରେ ଚାଲିଥିବା କାର୍ଯ୍ୟକ୍ରମର ଗତି ଓ ସ୍ଥିତି ଉପରେ ଆଲୋଚନା କରିଛନ୍ତି ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ବିଶେଷକରି କେନ୍ଦ୍ର ସରକାରଙ୍କ ଅନୁଦାନରେ ଅଙ୍ଗନବାଡି କେନ୍ଦ୍ରରେ ଚାଲିଥିବା ଶିଶୁ ବିକାଶ, ମହିଳା ସଶକ୍ତିକରଣ, ମମତା ଯୋଜନାର ଅଗ୍ରଗତି ଓ କାର୍ଯ୍ୟକାରିତା ଉପରେ ଆଲୋଚନା କରିଥିଲେ ମନ୍ତ୍ରୀ । ଏନେଇ ବିଭାଗୀୟ ଉପ ସଚିବ ବିନୋଦ କୁମାର ଜେନା ଓ ଯୁଗ୍ମ ସଚିବ ରଶ୍ମି ରଞ୍ଜନ ନାୟକ ପ୍ରମୁଖ ଏ ସଂପର୍କୀତ କାର୍ଯ୍ୟକ୍ରମକୁ ନେଇ ଥିବା ଲକ୍ଷ୍ୟ ଓ ଭଦ୍ଦେଶ୍ୟ ଉପରେ ଆଲୋକପାତ କରିଥିଲେ ।