ସୁବର୍ଣ୍ଣପୁର:ବିନିକା ବ୍ଲକ ଗଣେଷପୁର ଓ ଝରିଆପଡାର ମହିଳାମାନେ ଏକତ୍ରିତ ହୋଇ ବେଆଇନ ମଦ ବିକ୍ରିକୁ ବିରୋଧ କରି ଆନ୍ଦୋଳନକୁ ଓହ୍ଲାଇଛନ୍ତି । ଗତ ତିନି ଦିନ ହେଲା ଏହି ଅଞ୍ଚଳର ସବୁ ବିଦେଶୀ ମଦ ଓ କୁଚିଆ ଭାଟି ଗୁଡିକୁ ବନ୍ଦ କରି ଦେଇଛନ୍ତି । ବିନିକା ବ୍ଲକରେ ଦୀର୍ଘ ଦିନ ହେଲା ଦେଶୀ ମଦର ବେଆଇନ କାରବାର ଯୋଗୁଁ ବିଭିନ୍ନ ସମୟରେ ଅପ୍ରିତିକର ଘଟଣାମାନ ସାମାନାକୁ ଆସୁଛି ।
ମହିଳାଙ୍କ ମଦ ବିରୋଧୀ ଆନ୍ଦୋଳନ
ଏପରିକି ଏହି ଦୁଇ ଗାଁରେ ଅନେକ ଲୋକ ମଦ ପିଇ ମହିଳାମାନଙ୍କୁ ଅସଦାଚରଣ କରୁଥିବା ବେଳେ ଅସାମାଜିକ କାର୍ଯ୍ୟକଳାପ ବଢୁ ଥିବା ସହ ପରିବାର ମଧ୍ୟରେ ଅଶାନ୍ତି ଦେଖାଦେଉଛି । ଏହି କାରଣରୁ ମଦ ବ୍ୟବସାୟକୁ ବନ୍ଦ କରିବାକୁ ମହିଳାମାନେ ବାରମ୍ବାର ପ୍ରଶାସନକୁ ଅଭିଯୋଗ କଲା ପରେ ମଧ୍ୟ ପ୍ରଶାସନ କୌଣସି ପଦକ୍ଷେପ ନେଉନାହିଁ । ଫଳରେ ମହିଳାମାନେ ଏକତ୍ରିତ ହୋଇ ଗଣେଶପୁର ହାଇସ୍କୁଲ ପରିସରରେ ଏକ ସଭା କରି ମଦକୁ ସମ୍ପୂର୍ଣ୍ଣ ବନ୍ଦ କରିବାକୁ ନିଷ୍ପତ୍ତି ନେଇଛନ୍ତି ।