ସୁବର୍ଣ୍ଣପୁର: ଜିଲ୍ଲା ସଦର ଟାଉନ ଥାନା ଆଗରେ ଅସହାୟ ମହିଳାଙ୍କ ଆତ୍ମହତ୍ୟା ଉଦ୍ୟମ । ଅଭିଯୋଗ ନଶୁଣିବାରୁ ନ୍ୟାୟ ପାଇବା ଆଶାରେ କିରୋସିନି ଢାଳି ଆତ୍ମହତ୍ୟା ଉଦ୍ୟମ କରିଛନ୍ତି ଦୁଇମାସର ଅସହାୟ ଗର୍ଭବତୀ ।
ଥାନା ସମ୍ମୁଖରେ ମହିଳାଙ୍କ ଆତ୍ମହତ୍ୟା ଉଦ୍ୟମ
ସୂଚନାଅନୁସାରେ, ବୌଦ୍ଧ ଜିଲ୍ଲା ବଢିଗାଁର ଝୁମି ବେହେରା ପ୍ରାୟ ବର୍ଷକ ତଳେ ସୁବର୍ଣ୍ଣପୁର ଜିଲ୍ଲା ଉଲୁଣ୍ଡା ବ୍ଲକ କୁମରକେଲି ଗାଁର ଜିତୁ ଖୁରାଙ୍କ ସହ ଫେସବୁକରେ ମାଧ୍ୟମରେ ପ୍ରେମ କରିଥିଲେ । ପରେ ଉଭୟେ ବୌଦ୍ଧ ଜିଲ୍ଲାର ଏକ ମନ୍ଦିରରେ ବାହା ହୋଇଥିଲେ । ଏହାପରେ ଭୂବନେଶ୍ୱରକୁ ଯାଇ ଏକାଠି ଚାରି ମାସ ସ୍ୱାମୀ ସ୍ତ୍ରୀ ଭାବେ ରହିଥିଲେ । କିନ୍ତୁ କିଛି ଦିନ ପରେ ଜିତୁ ତାଙ୍କ ମାଙ୍କ ଦେହ ଖରାପ ଥିବା କହି ଘରକୁ ଚାଲି ଆସିଥିଲେ । ପରେ ନିଜ ପରିବାର ଲୋକଙ୍କ ସହ କଥାବାର୍ତ୍ତା ହୋଇ ଝୁମିକୁ ତାଙ୍କ ଘରକୁ ନେଇଥିଲେ । ହେଲେ ସେଠାରେ ମେଡିସିନ ଦେଇ ଝୁମିର ଗର୍ଭ ନଷ୍ଟ କରିବା ସହ ଠକିଦେଇ ରେଳ ଷ୍ଟେସନରେ ନେଇ ଛାଡିଦେଲେ । ପରେ ଏନେଇ ଝୁମି ବୀରମହାରାଜପୁର ଥାନାରେ ଏକ ଲିଖିତ ଅଭିଯୋଗ କରିଥିଲେ ।