ସୁବର୍ଣ୍ଣପୁର: ସାତ ଜନ୍ମ ପାଇଁ ସାଥୀ ହୋଇଥିଲେ । ଯେଉଁ ସ୍ବାମୀଙ୍କ ସୁଖ ଦୁଃଖରେ ସାମିଲ ହେବା ପାଇଁ ଅଗ୍ନୀକୁ ସାକ୍ଷୀ ରଖି ବାହା ହୋଇଥିଲେ ସେହି ସ୍ବାମୀ ଏକା କରି ଆରପାରିକୁ ଚାଲିଗଲେ । ଉଭୟ ପତିପତ୍ନୀ ନିଃସନ୍ତାନ ଥିବାରୁ ଶେଷରେ ସମାଜର ସବୁ ବନ୍ଧନକୁ ଅତିକ୍ରମ କରି ନିଜ ସ୍ବାମୀଙ୍କ ଜୁଇରେ ଚିତା ଲଗାଇଛନ୍ତି ପତ୍ନୀ ।
ସ୍ବାମୀଙ୍କୁ ମୁଖାଗ୍ନୀ ଦେଲେ ପତ୍ନୀ
ଏମିତି ଏକ ହୃଦୟବିଦାରକ ଦୃଶ୍ୟ ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ତମାମୁରା ଗାଁରେ ଦେଖିବାକୁ ମିଳିଛି । ଘଟଣା ଅନୁସାରେ ଗ୍ରାମର ଚନ୍ଦ୍ରମଣୀ ଭୋଇ କେନାଲକୁ ଗାଧୋଇବାକୁ ଯାଇଥିଲେ। କିନ୍ତୁ ଘରକୁ ଫେରିନଥିଲେ। ଦୀର୍ଘ ସମୟ ଘରେ ଅପେକ୍ଷା କରି ପତ୍ନୀ ପାର୍ବତୀ କେନାଲ ପାଖକୁ ଖୋଜିବାକୁ ଆସିଲେ। କିନ୍ତୁ ତାଙ୍କର କୌଣସି ଖବର ପାଇନଥିଲେ।