ସୁବର୍ଣ୍ଣପୁର: ଜିଲ୍ଲା ବେହେରାମାଲ ପଞ୍ଚାୟତର ପିପିଲି ପାଲି ଗାଁରେ ଖରିଫ ଧାନ ଚାଷରେ ଚକଡା ଲାଗିଛି। ପ୍ରାୟ ସପ୍ତାହେରୁ ଅଧିକ ହେଲା ପାଣିପାଗ ମେଘୁଆ ଓ ବେଳେ ବେଳେ ଝିପିଝିପି ବର୍ଷା ହେଉଥିବାରୁ ରୋଗପୋକରୁ ଧାନକୁ ସୁରକ୍ଷା ଦେବାରେ ଚାଷୀ ବିଫଳ ହୋଇଛି । ବିଶେଷକରି ଚକଡା ଲାଗୁଥିବା ଅଞ୍ଚଳରେ ଧାନ ଗଛ ଶୁଖି ଯାଉଛି । ଫଳରେ ଚାଷୀ ମୁଣ୍ଡରେ ଚକଡା ଚଡକ ହୋଇ ପଡିଛି।
ପାଣିପାଗ ସାଧୁଛି ଦାଉ, ଚାଷୀ ମୁଣ୍ଡରେ ଚକଡା ଚଡକ
ଚକଡା ପାଇଁ କୌଣସି କୀଟନାଶକ ଔଷଧ କାମକୁ ଆସୁନାହିଁ। ଗୋଟିଏ ଧାନ କିଆରୀରୁ ଅନ୍ୟ କିଆରୀ ଗୁଡିକୁ ଚାହୁଁ ଚାହୁଁ ଚକଡା ମାଡି ଯାଉଛି । ଫଳରେ ଗତ ବର୍ଷ ଭଳି ଚଳିତବର୍ଷ ମଧ୍ୟ ଚକଡାରେ ଚାଷୀ ବେଶ କ୍ଷତିଗ୍ରସ୍ତ ହେବା ଆଶା କରାଯାଉଛି । ଚାଷୀମାନେ ଜିଲ୍ଲା କୃଷି ବିଭାଗକୁ ଚକଡା ଦମନ ପାଇଁ ଆବଶ୍ୟକ କୃଷି ପରାମର୍ଶ ସହିତ ରିହାତି ଦରରେ କୀଟନାଶକ ଔଷଧ ଯୋଗାଇ ଦେବା ପାଇଁ ଦାବି କରିଛନ୍ତି। ଜିଲ୍ଲା କୃଷି ବିଭାଗର କୃଷି ଅଧିକାରୀ ଓ କୃଷି ବୈଜ୍ଞାନିକ ମାନେ ବିଭିନ୍ନ ଅଞ୍ଚଳ ପରିଦର୍ଶନ କରି ଖରିଫ ଧାନ ଚାଷର ସମୀକ୍ଷା କରିଛନ୍ତି।