ସୁବର୍ଣ୍ଣପୁର: ପ୍ରଚଣ୍ଡ ତାତି ସାଙ୍ଗକୁ ଜଳ ସଙ୍କଟ । ବିନିକା ବ୍ଳକର ସକମା ଗାଁରେ ପାନୀୟ ଜଳର ଉତ୍କଟ ସମସ୍ୟା । ଜିଲ୍ଲା ଜଳ ଓ ପରିମଳ ବିଭାଗ ପକ୍ଷରୁ ତିନିବର୍ଷ ତଳେ ପାନୀୟ ଜଳ ପ୍ରକଳ୍ପ ତିଆରି କରାଯାଇ ମହାନଦୀରୁ ପାଣି ଯୋଗାଇ ଦେବାର ବ୍ୟବସ୍ଥା ହୋଇଥିଲା । ହେଲେ ପ୍ରକଳ୍ପରେ ତ୍ରୁଟି ଯୋଗୁଁ ଲୋକେ ପାନୀୟ ଜଳ ପାଇବାରୁ ବଞ୍ଚିତ ହେଉଛନ୍ତି ।
ଭିଡିଓ ସୌଜନ୍ଯ: ପ୍ରତିନିଧି, ସୁବର୍ଣ୍ଣପୁର
ପ୍ରକଳ୍ପ ଆରମ୍ଭରୁ 2ଟି ୱାର୍ଡର ପ୍ରାୟ 1000 ଲୋକ ପିଇବା ପାଣି ପାଉ ନାହାନ୍ତି । ବାକି 2ଟି ୱାର୍ଡର ଲୋକେ ବି ବର୍ଷର ବିଭିନ୍ନ ସମୟରେ ପିଇବା ପାଣି ସଂଗ୍ରହ କରିବା ପାଇଁ ନଳକୂପ କିମ୍ବା ନଦୀ ଉପରେ ନିର୍ଭର କରୁଛନ୍ତି । ପ୍ରକଳ୍ପ ତୁରନ୍ତ କାର୍ଯ୍ୟକ୍ଷମ କରି ସାରା ଗାଁକୁ ପାଣି ଯୋଗାଇ ଦେବା ପାଇଁ ଗାଁ ଲୋକେ ଦାବି କରିଛନ୍ତି ।