ସୁବର୍ଣ୍ଣପୁର: ସୁବର୍ଣ୍ଣପୁର ଜିଲ୍ଲା ସହରାଞ୍ଚଳରେ ସପ୍ତାହାନ୍ତ ସଟଡାଉନ ଲାଗୁ ହୋଇଛି । ପ୍ରତି ସପ୍ତାହର ଶନିବାର ଓ ରବିବାର ଦୁଇ ଦିନ ସଟଡାଉନ ହେଉଥିବାବେଳେ ରାତ୍ରିକାଳୀନ କର୍ଫ୍ୟୁ ବଳବତ୍ତର ରହିଛି । ଏସପି ସୀତାରାମ ଶତପଥୀ ନିଜେ ସଟଡାଉନ ତଦାରଖ କରୁଛନ୍ତି ।
କର୍ତ୍ତବ୍ୟରତ ପୋଲିସଙ୍କୁ ଥଣ୍ଡା ପାନୀୟ ଦେଲେ ସ୍ବେଚ୍ଛାସେବୀ ଜିଲ୍ଲା ସଦର ମହକୁମା ସହିତ ବିରମହରାଜପୁର, ବିନିକା ଓ ତରଭା ଆଦି ସହରରେ ସଟଡାଉନ ହୋଇଛି । ସହରାଞ୍ଚଳର ଗୁରୁତ୍ୱପୂର୍ଣ୍ଣ ଜାଗା ଗୁଡ଼ିକରେ ବ୍ୟାପକ ପୋଲିସ ମୁତୟନ କରାଯାଇଛି । ଅମାନିଆଙ୍କ ଉପରେ ପୋଲିସ ପକ୍ଷରୁ ଦୃଢ଼ କାର୍ଯ୍ୟାନୁଷ୍ଠାନ ନିଆଯାଉଛି । ତେବେ ପୋଲିସ କର୍ମଚାରୀମାନେ ପ୍ରଚଣ୍ଡ ଗ୍ରୀଷ୍ମରେ ନିଜ ନିଜ କର୍ତ୍ତବ୍ୟ ପାଳନ କରୁଛନ୍ତି ।
କର୍ତ୍ତବ୍ୟରତ ପୋଲିସଙ୍କୁ ଥଣ୍ଡା ପାନୀୟ ଦେଲେ ସ୍ବେଚ୍ଛାସେବୀ କର୍ତ୍ତବ୍ୟରତ ପୋଲିସଙ୍କୁ ଥଣ୍ଡା ପାନୀୟ ଦେଲେ ସ୍ବେଚ୍ଛାସେବୀ ପୋଲିସ କର୍ମଚାରୀଙ୍କ ପାଇଁ ସ୍ୱେଚ୍ଛାସେବୀମାନେ ଥଣ୍ଡା ପାନୀୟ, ଘୋଳ ଦହି, ପିଇବା ପାଣି, ଅନେକ ପ୍ରକାରର ବିସ୍କୁଟ ଆଦି ପ୍ରଦାନ କରୁଛନ୍ତି । ଜନସାଧାରଣ କୋଭିଡ ସଂକ୍ରମଣ ନହେବା ପାଇଁ ଘରେ ରହିଥିବାବେଳେ ପୋଲିସ ବାହୀନି ପ୍ରଚଣ୍ଡ ଗ୍ରୀଷ୍ମରେ କର୍ତ୍ତବ୍ୟରତ ଅଛନ୍ତି ।
ତେବେ ସ୍ବେଛାସେବୀଙ୍କ ଏପରି ଛୋଟିଆ ସହଯୋଗ ପୋଲିସ ବାହିନୀର ମନୋବଳ ବଢ଼ାଇଛି । ଆଜି 130 ଜଣ ସଂକ୍ରମିତ ବ୍ୟକ୍ତି ଚିହ୍ନଟ ହୋଇଥିବାବେଳେ ଦିନକୁ ଦିନ ସଂକ୍ରମଣ ବ୍ୟକ୍ତିଙ୍କ ସଂଖ୍ୟା ବଢିବାରେ ଲାଗିଛି । ତେବେ ଲୋକଙ୍କ ଭିତରେ ବି ମହାମାରୀକୁ ନେଇ ଭୟର ମାହୋଲ ରହିଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
