ସୁବର୍ଣ୍ଣପୁର: ବୀରମହାରାଜପୁର ଗୋପପାଲି ଗାଁରେ ମୂଲ୍ୟବାନ ରତ୍ନପଥର ଖନନକୁ ନେଇ ଅପ୍ରିତିକର ପରିସ୍ଥିତି ସୃଷ୍ଟି ହୋଇଛି । ପ୍ରାୟ ଦୁଇ ସପ୍ତାହରୁ ଅଧିକ ହେଲା ଗାଁର ହୀରାଲାଲ ମହାନନ୍ଦଙ୍କ ଜମିରେ ମୂଲ୍ୟବାନ ରତ୍ନ ପଥର ମିଳୁଥିବା ପ୍ରଚାର ହୋଇଥିଲା । ଲୋକେ ମୂଲ୍ୟବାନ ପଥର ଲୋଭରେ ହୀରାଲାଲଙ୍କ ଜମିର ବିଭିନ୍ନ ସ୍ଥାନ ଖୋଳି ଦେଉଛନ୍ତି ।
ଭିଡିଓ ସୌଜନ୍ୟ- ପ୍ରତିନିଧି, ସୁବର୍ଣ୍ଣପୁର
ହୀରାଲାଲ ବୀରମହାରାଜପୁର ଥାନାରେ ଅଭିଯୋଗ କରିବା ପରେ ଗତ ଜୁନ 6 ତାରିଖରେ ବଲାଙ୍ଗୀର ଖଣି ବିଭାଗର ଅଧିକାରୀ , ବୀରମହାରାଜପୁର ତହସିଲଦାର , ରାଜସ୍ବ ନିରୀକ୍ଷକ ତଥା ପୋଲିସ ଆଇଆଇସିଙ୍କ ଏକ ଟିମ ଘଟଣାସ୍ଥଳ ପରିଦର୍ଶନ କରି ଲୋକଙ୍କୁ ସେହି ସ୍ଥାନକୁ ଯିବା ପାଇଁ ମନା କରିଥିଲେ । ହେଲେ ରତ୍ନ ପଥର ଲୋଭରେ ଏବେ ବି ଲୋକେ କୋଦାଳ , ଶାବଳ ଆଦି ନେଇ ପଥର ମିଳୁଥିବା ସ୍ଥାନ ଖୋଳୁଛନ୍ତି ।