ସୁବର୍ଣ୍ଣପୁର: ଜିଲ୍ଲାରେ ଜଣେ ଛୋଟ ପରିବା ବେପାରୀଙ୍କ ଦେଶପ୍ରେମର ଏକ ଭିଡିଓ ଖୁବ ଭାଇରାଲ ହେବାରେ ଲାଗିଛି । ଜଣେ ଯୁବ ପରିବା ବେପାରୀ ଦୈନିକ ବଜାରକୁ ବିକ୍ରି ପାଇଁ ଆଣିଥିବା ଧନିଆ ପତ୍ର ଓ କଞ୍ଚାଲଙ୍କା ମାଗଣାରେ ଲୋକଙ୍କୁ ଦେଉଛନ୍ତି । ହେଲେ ଗ୍ରାହକ କଞ୍ଚାଲଙ୍କା ଓ ଧନିଆ ପତ୍ର ନେବାକୁ ହେଲେ ପାକିସ୍ତାନ ମୁର୍ଦ୍ଦାବାଦ ବୋଲି କହିବାକୁ ପଡୁଛି ।
ଗୋଟିଏ ଷ୍ଟଲ ସାମ୍ନାରେ ପ୍ରାୟ ଗୋଟିଏ ବସ୍ତା ଧନିଆ ପତ୍ର ଓ କଞ୍ଚାଲଙ୍କା ରଖି ଲୋକଙ୍କୁ ପାକିସ୍ତାନ ମୁର୍ଦ୍ଦାବାଦ କହି ଜିନିଷ ନେବାକୁ ଡାକୁଛନ୍ତି । ପାକିସ୍ତାନ ମୁର୍ଦ୍ଦାବାଦ କହି ଲୋକେ ବି ମୁଠାଏ କଞ୍ଚାଲଙ୍କା ଓ ଧନିଆ ପତ୍ର ନେଉଛନ୍ତି । ଯୁବ ବ୍ୟବସାୟୀ ଜଣଙ୍କୁ ଖୁସ କରିବାକୁ ଗ୍ରାହକ ବି ମାଗଣାରେ ଜିନିଷ ନେବା ପାଇଁ ପାକିସ୍ତାନ ମୁର୍ଦ୍ଦାବାଦ, ହର ହର ମୋଦି, ଘର୍ ଘର୍ ମୋଦି ଭଳି ସ୍ଲୋଗାନ ଦେଇ ଜିନିଷ ନେଉଛନ୍ତି।
ଭିଡିଓ ସୌଜନ୍ୟ- ପ୍ରତିନିଧି, ସୁବର୍ଣ୍ଣପୁର