ସୁବର୍ଣ୍ଣପୁର: ପଶ୍ଚିମ ଓଡ଼ିଶା ଯୁବାମଞ୍ଚ ପକ୍ଷରୁ 18 ରୁ 44 ବର୍ଷୀୟ ଲୋକଙ୍କୁ ଟୀକାକରଣ କରିବା ପାଇଁ ସୁବର୍ଣ୍ଣପୁର ଜିଲ୍ଲା ପ୍ରଶାସନ ପାଖରେ ଦାବି କରାଯାଇଛି । ଆସନ୍ତାକାଲି ରାଜ୍ୟର ଅନେକ ଜିଲ୍ଲାରେ 18 ବର୍ଷରୁ ଅଧିକ ବୟସ୍କଙ୍କୁ ଟୀକାକରଣ କରାଯିବାକୁ ରାଜ୍ୟ ସରକାର ଘୋଷଣା କରିଥିବାବେଳେ ସୁବର୍ଣ୍ଣପୁର ଜିଲ୍ଲାରେ ଏହି ଟୀକାକରଣ କାର୍ଯ୍ୟକ୍ରମ ଆରମ୍ଭ ହୋଇ ପାରୁନାହିଁ ।
ଆସନ୍ତାକାଲି ହେବନି ଯୁବବର୍ଗଙ୍କ ଟୀକାକରଣ
ତେବେ ତୁରନ୍ତ ଯୁବବର୍ଗକୁ ଟୀକାକରଣ କରିବା ସହିତ କୋଭିଡ ଅସ୍ଥାୟୀ ଚିକିତ୍ସା କେନ୍ଦ୍ରରେ ଆବଶ୍ୟକ ପରିମାଣର ଅକ୍ସିଜେନ, ଭେଣ୍ଟି ଲେଟର ସହିତ ଆବଶ୍ୟକ ଔଷଧ ମହଜୁଦ ରଖିବା ପାଇଁ ଦାବି ଜଣାଇଛନ୍ତି । ଜିଲ୍ଲାରେ ଅନେକ ସମୟରେ କୋଭିଡ ରୋଗୀଙ୍କୁ ଉପଯୁକ୍ତ ଚିକିତ୍ସା କରାଯାଉ ନ ଥିବା ନେଇ ଅଭିଯୋଗ ହୋଇଛି ।