ସୁବର୍ଣ୍ଣପୁରରେ ଟ୍ରକରେ ପିଟି ହୋଇ ଦୁଇ ଯୁବକଙ୍କ ମୃତ୍ୟୁ

ସୁବର୍ଣ୍ଣପୁର ପାଣିସିଆଲି ଛକରେ ମର୍ମନ୍ତୁଦ ସଡକ ଦୁର୍ଘଟଣା । ଟ୍ରକ୍ ସହ ଧକ୍କା ହୋଇ ୨ ଯୁବକଙ୍କ ମୃତ୍ୟୁ । ଅଧିକ ପଢନ୍ତୁ

ସୁବର୍ଣ୍ଣପୁର:ସୁବର୍ଣ୍ଣପୁର ସହର ନିକଟସ୍ଥ ପାଣିସିଆଲି ଛକରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି । ଗତକାଲି(ଶୁକ୍ରବାର) ରାତିରେ ଏଠାରେ ଏକ ଟ୍ରକ ସହ ବାଇକ୍ ପିଟି ହେବା ଯୋଗୁଁ ଦୁର୍ଘଟଣାରେ ଦୁଇ ଜଣ ବାଇକ ଆରୋହୀଙ୍କ ମୃୃତ୍ୟୁ ଘଟିଛି । ମୃତକ ବାବୁପାଲି ଗାଁର ଟୁନା ଶାଣ୍ଢ ଓ ସରୋଜ ଭୋଇ । ଉଭୟ ବିନିକା-ବାଇଗଣଜୁରୀ ରାସ୍ତାରେ ଥିବା ସରକାରୀ ଚାଉଳ ଗୋଦାମରେ କାମ କରୁଥିଲେ । ରାତିରେ ଗୋଦାମରୁ କାମ ସାରି ଘରକୁ ଫେରୁଥିବା ବେଳେ ବାଟରେ ଦୁର୍ଘଟଣାରେ ପ୍ରାଣ ହରାଇଛନ୍ତି(Two dead in road accident) ।

ସୂଚନା ଅନୁଯାୟୀ, ଦୁଇ ଯୁବକ ଗୋଟିଏ ବାଇକ ଯୋଗେ ଘରକୁ ଫେରୁଥିବା ବେଳେ ଭାରସାମ୍ୟ ହରାଇ ପାଣିସିଆଲି ଛକରେ ଛିଡା ହୋଇଥିବା ଏକ ଟ୍ରକ ସହ ଧକ୍କା ହୋଇଥିଲେ । ଫଳରେ ଘଟଣାସ୍ଥଳରେ ହିଁ ଦୁଇ ଜଣଙ୍କ ମୃତ୍ୟୁ ହୋଇଥିଲା । ଖବର ପାଇ ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଉଦ୍ଧାର କରି ଜିଲ୍ଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ପାଇଁ ପଠାଇଛି । ଦୁଇ ଯୁବକଙ୍କ ମୃତ୍ୟୁ ପରେ ବାବୁପାଲି ଗାଁରେ ଶୋକର ଛାୟା ଖେଳିଯାଇଛି ।

ଇଟିଭି ଭାରତ, ସୁବର୍ଣ୍ଣପୁର