ସୁବର୍ଣ୍ଣପୁର:ପୋଲିସର ନାକତଳେ ଟ୍ରାଫିକ ଜାମ । ଅଧଘଣ୍ଟାରୁ ଅଧିକ ସମୟ ଧରି ଫସି ରହିଲା ଆମ୍ବୁଲାନ୍ସ । ଦେଖଣାହାରୀ ସାଜିଲା ପୋଲିସ । ଏମିତି ଏକ ଅଭାବନୀୟ ଘଟଣା ଘଟିଛି ସୁବର୍ଣ୍ଣପୁର ଜିଲ୍ଲା ବିରମହାରାଜପୁର ଥାନା ଅନ୍ତର୍ଗତ ହିକୁଡି ଛକ ନିକଟରେ। ଗୋଟିଏ ପଟେ ଠିକ ଛକ ନିକଟରେ ଟୋଲଗେଟ ଥିବାରୁ ବାରମ୍ବାର ଏଭଳି ଘଟଣା ଘଟୁଛି।
ଟ୍ରାଫିକ ଜାମରୁ ଫସି ରହିଲା ଆମ୍ବୁଲାନ୍ସ, ପୋଲିସ ନୀରବ
ଗୋଟିଏ ପଟେ ସୁବର୍ଣ୍ଣପୁରରୁ ସମ୍ବଲପୁର ଓ ବିରମହାରାଜପୁରକୁ ସଂଯୋଗ କରୁଥିବା 15 ନମ୍ବର ଜାତୀୟ ରାଜପଥରେ ଭାରି ଯାନ ବାହନ ଯାଉଥିବା ବେଳେ ଅନ୍ୟପଟେ ହିକୁଡିଠୁ ଧର୍ମଶାଳାକୁ ସଂଯୋଗ କରୁଥିବା ବାଏପାସ ରାସ୍ତାରେ ବି ଭାରୀ ଯାନ ବାହନ ଯାଉଛି । ଫଳରେ ପ୍ରତ୍ୟେକ ଦିନ ଟ୍ରାଫିକ ସମାସ୍ୟା ଦେଖା ଦେଉଛି । ଆଶ୍ଚର୍ଯ୍ୟର କଥା ହେଉଛି ଯେ, ଠିକ ଛକ ନିକଟରେ ଧର୍ମଶାଳା ଫାଣ୍ଡି ରହିଛି, କିନ୍ତୁ ଫାଣ୍ଡି ଅଧିକାରୀଙ୍କ ନଜର ନାହିଁ ।