ସୁବର୍ଣ୍ଣପୁର: ଜିଲ୍ଲାର ତରଭା ତହସିଲଦାରଙ୍କ ମନମୁଖୀ ଶାସନ ପାଇଁ ଆନ୍ଦୋଳନକୁ ଓହ୍ଲାଇଛି ଟ୍ରକ ମାଲିକ ସଂଘ । ସ୍ଥାନୀୟ ସୁଖତେଲ୍ ନଦୀର ଘାଟକଇଁତରା ବାଲିଘାଟର ନିଲାମ ଦାବି ନେଇ ସଂଘ ଆନ୍ଦୋଳନକୁ ଓହ୍ଲାଇଛି । ତା ସହ ସଂପୃକ୍ତ ତହସିଲଦାର ଗତକାଲି ଭିଜିଲାନ୍ସ ଜାଲରେ ପଡିଥିବାବେଳେ ସେ ବେଆଇନ ଭାବେ ଲାଞ୍ଚ କାରବାର କରୁଥିବା ଅଭିଯୋଗ ହୋଇଛି ।
ତହସିଲଦାରଙ୍କ ବିରୋଧରେ ଟ୍ରାକ୍ଟର ସଂଘର ବିକ୍ଷୋଭ
ତହସିଲଦାରଙ୍କ ସମୟରେ ହୋଇଥିବା ଦୁର୍ନୀତିର ଉଚ୍ଚସ୍ତରୀୟ ତଦନ୍ତ କରିବା ପାଇଁ ଟ୍ରାକ୍ଟର ମାଲିକମାନେ ଦାବି କରିଛନ୍ତି । ସ୍ଥାନୀୟ ନୁଆଁପଡା ଛକରୁ ଶତାଧିକ ଟ୍ରାକ୍ଟର ନେଇ ଏକ ବିଶାଳ ଶୋଭାଯାତ୍ରାରେ ବାହାରି ସହର ପରିକ୍ରମା କରିଥିଲେ । ପରେ ତହସିଲ କାର୍ଯ୍ୟାଳୟ ସମ୍ମୁଖରେ ଟ୍ରାକ୍ଟର ରଖି ମାଲିକମାନେ ବିକ୍ଷୋଭ ପ୍ରଦର୍ଶନ କରିଛନ୍ତି ।