ସୁବର୍ଣ୍ଣପୁର: ଆଜି ଦଶହରା ବା ବିଜୟାଦଶମୀ । ଗାଁଠୁ ସହର ଉତ୍ସବ ମୁଖର । ତନ୍ତ୍ର ପୀଠ ସୁବର୍ଣ୍ଣପୁରରେ ଚାଲିଛି ଦେବୀ ମା ଦୁର୍ଗାଙ୍କ ପୂଜା ଆରାଧନା। ଦେବୀ ମା କନକ ଦୁର୍ଗା ଓ ରାଜପ୍ରାସାଦ ସମ୍ମୁଖରେ ନବପ୍ରତିଷ୍ଠିତ ଦେବୀ ଦୁର୍ଗାଙ୍କ ପୂଜା ଚାଲିଥିବା ବେଳେ ସହରର ମଣ୍ଡପ ଗୁଡ଼ିକରେ ବି ଉତ୍ସାହର ସହିତ ମା’ଙ୍କ ପୂଜା ଆରାଧନା କରାଯାଉଛି।
ଆଜି ସନ୍ଧ୍ୟାରେ ମା' ଦୁର୍ଗାଙ୍କ ମନ୍ତ୍ର ବିସର୍ଜନ ପର୍ବ
ଆଜି ଉଭୟ ପୀଠ ଓ ମଣ୍ଡପରେ ଦଶହରା ପର୍ବ ପାଳନ କରାଯାଉଛି । ସନ୍ଧ୍ୟାରେ ମଣ୍ଡପ ଗୁଡିକରେ ଦେବୀ ମା’ଙ୍କ ମନ୍ତ୍ର ବିସର୍ଜନ ପର୍ବ ପରେ ଦେବୀମା’ ଧରାପୃଷ୍ଠରୁ ବିଦାୟ ନେବେ। କୋଭିଡ କଟକଣା ଭିତରେ ପୂଜା ଆରାଧନା ଚାଲିଥିବାବେଳେ ଗୋଟିଏ ଦିନରେ ମା' ଦୁର୍ଗାଙ୍କ ଭଷାଣି ଉତ୍ସବ ପାଳନ କରିବାକୁ ଜିଲ୍ଲା ପୋଲିସ ପକ୍ଷରୁ ପୂଜା କମିଟି ଗୁଡିକୁ ଅନୁରୋଧ କରାଯାଇଛି।