ସୁବର୍ଣ୍ଣପୁର:ମଙ୍ଗଳବାର ସୋନପୁର ସହରର ସାପ୍ତାହିକ ବଜାର ବନ୍ଦ ହୋଇଥିଲା । ଜିଲ୍ଲାରେ ଦିନକୁ ଦିନ କୋରୋନା ସଂକ୍ରମଣ ବଢି଼ ବଢ଼ି ଯାଉଥିବାରୁ ଜିଲ୍ଲା ପ୍ରଶାସନ ସାପ୍ତାହିକ ମଙ୍ଗଳବାର ବଜାର ବନ୍ଦ କରିବା ପାଇଁ ନିଷ୍ପତ୍ତି ନେଇଥିଲେ।
ଗତ ଜୁଲାଇ 24 ତାରିଖରେ ଜିଲ୍ଲାପାଳ ମନୀଷା ବାନର୍ଜୀ ବଜାର ବନ୍ଦ କରିବା ପାଇଁ ଏକ ପ୍ରେସ ବିଜ୍ଞପ୍ତି ଜାରି କରିଥିଲେ। ସହରରେ କୋରୋନା ସଂକ୍ରମିତ ବ୍ୟକ୍ତି ଚିହ୍ନଟ ହେଉଥିବାରୁ ଜିଲ୍ଲା ପ୍ରଶାସନ ଏପରି ନିଷ୍ପତ୍ତି ନେଇଛି। ଜିଲ୍ଲାରେ 81 ଜଣ ବ୍ୟକ୍ତି କୋରୋନାରେ ସଂକ୍ରମିତ ହୋଇଥିବା ବେଳେ 54 ଜଣ ସୁସ୍ଥ ହୋଇଛନ୍ତି। କିଛିଦିନ ତଳେ ସହରର ମାଣିକେଶ୍ବରୀ ଅଞ୍ଚଳରେ ଜଣେ ବ୍ୟକ୍ତି କୋରୋନା ସଂକ୍ରମିତ ହୋଇଥିବା ଜଣା ପଡିବା ପରେ ସେହି ଅଞ୍ଚଳକୁ ଜିଲ୍ଲା ପ୍ରଶାସନ କଣ୍ଟେନମେଣ୍ଟ ଜୋନ ଭାବେ ଘୋଷଣା କରିଛନ୍ତି।
କୋରୋନା ସଂକ୍ରମଣ ଚିନ୍ତା, ବନ୍ଦ ହେଲା ସାପ୍ତାହିକ ହାଟ