ସୁବର୍ଣ୍ଣପୁର: ଜିଲ୍ଲାରେ ଆଜି ସାପ୍ତାହିକ ସଟଡାଉନ ପ୍ରକ୍ରିୟା ଆରମ୍ଭ ହୋଇଯାଇଛି । ଶନିବାର ଓ ରବିବାର ଦୁଇ ଦିନ ସାପ୍ତାହିକ ସଟଡାଉନ ହୋଇଥିବା ବେଳେ ରାତ୍ରିକାଳୀନ କର୍ଫ୍ୟୁ ବଳବତ୍ତର ରହିଛି । କୋରୋନା ସଂକ୍ରମଣ ଦିନକୁ ଦିନ ବଢୁଥିବା ବେଳେ ରାଜ୍ୟ ସରକାରଙ୍କ ନିର୍ଦ୍ଦେଶ କ୍ରମେ ଆଜି ଜିଲ୍ଳା ପ୍ରଶାସନ ଓ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ସଟଡାଉନ ପାଳନ କରାଯାଉଛି । ଶନିବାର ସକାଳ ସମୟରୁ ସହରର ଦୋକାନ ବଜାର ବନ୍ଦ ରହିଛି ।
ସାରା ସହର ଜନଶୂନ୍ୟ ହୋଇ ପଡ଼ିଛି । ଗତକାଲି ଜିଲ୍ଲାରେ ସଂକ୍ରମିତ ବ୍ୟକ୍ତି 65 ଚିହ୍ନଟ ହୋଇଥିଲେ। ଜିଲ୍ଲାରେ ଏବେ ଅନେକ ଲୋକ ସଚେତନ ହୋଇଛନ୍ତି । ତେବେ ଆଜି ସ୍ବତଃ ସହରବାସୀ ସଟଡାଉନ ପାଳନ କରିଛନ୍ତି ।
ସୁବର୍ଣ୍ଣପୁରରେ ୱିକେଣ୍ଡ ସଟଡାଇନ୍ ଆରମ୍ଭ, ଦୋକାନା ବଜାର ସବୁ ବନ୍ଦ