ସୁବର୍ଣ୍ଣପୁର: ଜିଲ୍ଲା ସଦର ବ୍ଲକ ଅଧିନ ଖାରୀ ପଞ୍ଚାୟତ ଘଣ୍ଟପାଲି ଗାଁ ଲୋକେ ସରକାରୀ ଜମିର ସ୍ଥାୟୀ ପଟ୍ଟା ପାଇଁ ଜିଲ୍ଲା ପ୍ରଶାସନର ଦ୍ବାରସ୍ଥ ହୋଇଛନ୍ତି । ଏହି ଗାଁର ପ୍ରାୟ ଦେଢ ଶହ ପରିବାର ଦୀର୍ଘ 40 ବର୍ଷରୁ ଅଧିକ ହେଲା ଘଣ୍ଟପାଲି ଗାଁରେ ସରକାରୀ ଜମି ଉପରେ ବସବାସ କରି ଆସୁଛନ୍ତି ।
ସ୍ଥାୟୀ ପଟ୍ଟା ପାଇଁ ଜିଲ୍ଲା ପ୍ରଶାସନର ଦ୍ୱାରସ୍ଥ ହେଲେ ଗ୍ରାମବାସୀ
ଏପରିକି ଏମାନଙ୍କ ପାଇଁ ସରକାର ଅଙ୍ଗନଓ୍ବାଡି କେନ୍ଦ୍ର, ସ୍କୁଲ, ରାସ୍ତା, ପାଣି ସବୁ ପ୍ରକାର ବ୍ୟବସ୍ଥା କରିଛନ୍ତି । ହେଲେ ଗତ କିଛି ଦିନ ହେଲା ସଦର ବିଡିଓ ଅଫିସ ପକ୍ଷରୁ ଏମାନଙ୍କୁ ଜାଗା ଖାଲି କରିବା ପାଇଁ ନୋଟିସ କରିଛନ୍ତି । ସେହି ଗାଁରେ ପ୍ରାୟ ସମସ୍ତ ଲୋକ ସରକାରୀ ଯାଗାରେ ରହି ଆସୁଥିବାବେଳେ ଦୀର୍ଘ ଦିନ ହେଲା ଏମାନେ ସରକାରଙ୍କୁ ସ୍ଥାୟୀ ପଟ୍ଟା ପାଇଁ ଦାବି କରି ଆସୁଛନ୍ତି ।