ସୁବର୍ଣ୍ଣପୁର: ଷୋହଳ ଭର୍ଣ୍ଣି ବାଦ୍ୟର ତାଳେ ତାଳେ ଝୁମି ଉଠିଥିଲା ସୁବର୍ଣ୍ଣପୁର ସହର । ସୁବର୍ଣ୍ଣପୁରର ତନ୍ତ୍ର ପୂଜାରେ ବାଜେ ଏହି ବାଦ୍ୟ । ବଳିଯାତ୍ରାରେ ଷୋହଳ ଭର୍ଣ୍ଣି ବାଦ୍ୟର ତାଳରେ ଉଦଣ୍ଡ ନୃତ୍ୟ କରେ ବଳୀ । ଆଉ ଏଥିରେ ବ୍ୟବହାର ହୋଇଥାଏ ମହିମାମୟ ଚେପଟା ଢୋଲ ।
ବଳିଯାତ୍ରାରେ ଷୋହଳ ଭର୍ଣ୍ଣି ବାଦ୍ୟର ସ୍ବତନ୍ତ୍ରତା
ଖମ୍ବେଶ୍ବରୀ ମନ୍ଦିରରେ ଶହ ଶହ ବର୍ଷ ଧରି ରହି ଆସିଛି ଏହି ଚେପଟା ଢ଼ୋଲ । ଅଷ୍ଟଧାତୁରେ ନିର୍ମିତ ଏହି ଢୋଲକୁ ପାରଳା ଖେୁମଣ୍ଡି ରାଜଜେମା ବିବାହ ବେଳେ ଯୌତୁକରେ ଆଣିଥିଲେ । କିଛି ବର୍ଷ ପରେ ଢୋଲଟି ଭାଙ୍ଗି ଯିବାରୁ ଏହାକୁ ମହାନଦୀରେ ବିସର୍ଜିତ କରାଯାଇଥିଲା । କିନ୍ତୁ କିଛିଦିନ ପରେ ଏହା କୂଳରେ ଲାଗିଥିବାର ଦେଖିବାକୁ ମିଳିଲା । ଯାହାପରେ ରାଜା ସୁଧାଂଶୁ ଶେଖର ଏହାକୁ ପୁନଃ ନିର୍ମାଣ କରାଇଥିଲେ ।