ସୁବର୍ଣ୍ଣପୁର : ବୀରମହାରାଜପୁରର ଚନ୍ଦଲି ଗାଁ ରାସ୍ତା କଡ଼ରୁ ମିଳିଥିବା 3 ଦିନର ନବଜାତ ଶିଶୁ ପୁତ୍ରକୁ ଜିଲ୍ଲା ଶିଶୁ ସୁରକ୍ଷାା କମିଟିକୁ ହସ୍ତାନ୍ତର କରାଯାଇଛି । ଶିଶୁ ସୁରକ୍ଷା କମିଟି ଶିଶୁ ପୁତ୍ରଟିକୁ ଜିଲ୍ଲା ସ୍ବତନ୍ତ୍ର ପୌଷ୍ୟ ଗ୍ରହଣ କେନ୍ଦ୍ରକୁ ପଠେଇ ଦେଇଛି । ଶିଶୁ ସୁରକ୍ଷା କମିଟିର ଅଧ୍ୟକ୍ଷ ହିମାଂଶୁ ନାୟକଙ୍କ ଅଧ୍ୟକ୍ଷତାରେ ଆୟୋଜିତ ହୋଇଥିବା ବୈଠକରେ ଶିଶୁପୁତ୍ରଟିର ପ୍ରକୃତ ବାପା ମା ଖୋଜିବା ପାଇଁ ସୁବଳୟା ଥାନା ଅଧିକାରୀ, ଜିଲ୍ଲା ଶିଶୁ ସୁରକ୍ଷା ଅଧିକାରୀଙ୍କୁ ପତ୍ର ମାଧ୍ୟମରେ ଜଣାଇଛନ୍ତି ।
ରାସ୍ତା କଡରୁ ମିଳିଥିବା ଶିଶୁପୁତ୍ରର ଦାୟିତ୍ବ ନେଲା ଶିଶୁ ସୁରକ୍ଷା କମିଟି
ସୂଚନା ଅନୁସାରେ ଗତ 12 ତାରିଖରେ ଉଲୁଣ୍ଡା ବ୍ଲକ ମାଟିଖାଇ ଗାଁର ଏକ ଦମ୍ପତି ଶିଶୁ ପୁତ୍ରକୁ ଉଦ୍ଧାର କରିଥିଲେ । ମାଟଖାଇ ଗାଁର ସୁରୁସୂତା ମେହେର ଓ ପୀତବାସ ନିଜ ଗାଁରୁ ସୁବଳୟାପଟକୁ ଯାଉଥିବାବେଳେ ରାସ୍ତା କଡରେ ଏକ ଶିଶୁ ପୁତ୍ର କାନ୍ଦୁଥିବାର ଦେଖି ଉଦ୍ଧାର କରିଥିଲେ ।